بھارت میں کھیلے گئے آئی سی سی ون ڈے ورلڈکپ میں پاکستان کرکٹ ٹیم کی بدترین ناکامی کے بعد کھلاڑی تنقید کی زد میں تھے۔ مگر اس سے بھی بڑی پریشانی یہ ہوئی کہ ورلڈ کپ کے فوری بعد مشکل ترین دورہ آسٹریلیا کا آغاز ہورہا ہے۔ قومی ٹیم 30 نومبر کو آسٹریلیا کے دورے پر روانہ ہوگی جہاں وہ 3 ٹیسٹ میچوں کی سیریز کھیلے گی۔
پاکستان کرکٹ بورڈ (پی سی بی) نے ورلڈ کپ کی شکست کے بعد ٹیم انتظامیہ مکمل طور پر تبدیل کردی ہے اور دورہ آسٹریلیا کے لیے نئی ٹیم منیجمنٹ اور کوچنگ اسٹاف کا اعلان کردیا ہے۔
اب تک ہم پاکستان میں بڑی بڑی کابینہ کا ذکر ہی سنتے رہے ہیں مگر اس بار تو ٹیم انتظامیہ نے بھی نئے ریکارڈ قائم کردیے ہیں۔ 18 رکنی قومی ٹیم کے ساتھ اس بار 17 رکنی ٹیم انتظامیہ بھی آسٹریلیا جائے گی، یعنی اب 35 رکنی دستہ آسٹریلیا جانے کے لیے تیار ہے۔
اگر ٹیم انتطامیہ کی بات کریں تو محمد حفیظ کو ڈائریکٹر مینز ٹیم، ایڈم ہولیوک کو بیٹنگ کوچ، عمرگل کو فاسٹ بولنگ کوچ، نوید اکرم چیمہ کو ٹیم منیجر، سعید اجمل کو اسپن بولنگ کوچ جبکہ عبدالمجید کو فیلڈنگ کوچ مقرر کیا ہے۔
17 members team Management for the upcoming Test tour to Australia, 18 players 17 members management, total 35
Naveed Akram Cheema (Team manager), Mohammad Hafeez (Director – Pakistan men’s cricket team), Adam Hollioake (batting coach), Simon Grant Helmot (high performance…
— Mirza Iqbal Baig (@mirzaiqbal80) November 28, 2023
دورہ آسٹریلیا پر کلف ڈیکن فزیو تھراپسٹ، طلحہ اعجاز، ٹیم اینالسٹ، لیفٹننٹ کرنل (ر) اختر حسین ٹیم سیکیورٹی منیجر، رضا راشد کیچلو ٹیم میڈیا منیجر، عمار احسن کو وڈیوگرافر مقرر کیا گیا ہے۔
ڈاکٹر سہیل سلیم ٹیم ڈاکٹر اور ملنگ علی ٹیم میسیور ہوں گے۔ منصور رانا اسسٹنٹ ٹیم منیجر، شاہد اسلم اسسٹنگ بیٹنگ کوچ، سائمن گرانٹ ہیلمٹ کو ہائی پرفارمنس کوچ، ڈریکس سائمین کو اسٹرینتھ اینڈ کنڈیشننگ کوچ کی ذمہ داریاں نبھائیں گے۔
اتنی بڑی تعداد میں لوگوں کو ساتھ لے جانے پر پی سی بی کو تنقید کا نشانہ بنایا جا رہا ہے۔
صارفین نے طنزاً سوال کیا کہ دورہ آسٹریلیا میں بس اتنے تھوڑے بندے ساتھ لے جائے جارہے ہیں؟
اتنے تھوڑے بندے ؟ 😐
— Izhar (@Izharmhk32) November 28, 2023
ایک صارف نے اتنی بڑی تعداد میں عملہ لے جانے پر تنقید کرتے ہوئے لکھا کہ ان میں سے بہت سے لوگ صرف آسٹریلیا کا دورہ کرنے اور ویزا اسٹیمپ کے ساتھ اپنے پاسپورٹ کو مضبوط کرنے جاتے ہیں۔ ان کا مزید کہنا تھا کہ آسٹریلیا کا ویزا حاصل کرنا اب بھی ہمیشہ کی طرح بڑی بات ہے اور پی سی بی کا عملہ بھی مختلف نہیں ہے۔
Many of them are just visiting to explore Australia and to boast on their passport with Visa stamp.
It is still and always a big thing to get an Australian Visa and visa stamp.
PCB staff is no different.
— MUB|The Explicit Analyst| (@engrmub) November 28, 2023
محمد جنید لکھتے ہیں کہ پی سی بی فاسٹ بولنگ، اسپن بولنگ اور فیلڈنگ کے لیے اسسٹنٹ کوچز کو عملے میں شامل کرنا بھول گئی ہے۔ انہوں نے پی سی بی کو آڑے ہاتھوں لیتے ہوئے کہا کہ پی سی بی ایک ایسی جگہ بن رہا ہے جہاں بے روزگار افراد کام کرنے سے لطف اندوز ہوتے ہیں۔
They forgot to add assistant coaches for fast bowling, spin bowling and fielding. PCB is turning out to be a place where unemployed old men enjoy working
— Muhammad Junaid Ahmed (@JunaidScribbles) November 28, 2023
واضح رہے کہ پاکستان اور آسٹریلیا کے درمیان پہلا ٹیسٹ 14 سے 18 دسمبر تک پرتھ میں کھیلا جائے گا جبکہ دوسرا ٹیسٹ 26 سے 30 دسمبر تک میلبرن میں ہوگا اور تیسرے ٹیسٹ کی میزبانی سڈنی 3 سے 7 جنوری 2024 تک کرے گا۔