ڈالر کی اڑان جمعرات کوایک بار پھر بے قابو نظر آئی کیوں کہ انٹربینک مارکیٹ میں کاروبار کے آغاز پر ایک امریکی ڈالر 18 روپے اضافے کے بعد 285 روپے کی ریکارڈ بلند ترین سطح پر پہنچ گیا۔
آج صبح کاروبار کے آغاز پر ہی ڈالر کی قدر میں ایک روپے 89 پیسے اضافہ ہوا جس کے بعدایک ڈالر 268 روپے کا ہوگیا لیکن ڈالرکی اڑان یہی نہیں رکی بلکہ کاروبار کے دوران ڈالر کی قیمت میں تیزی سے اضافہ ہوتا رہا اور وہ مزید مہنگا ہوکر 285 روپے کا ہوگیا۔
واضح رہے کہ بدھ کو بھی روپے کے مقابلے میں ڈالر 4.61 پیسے مہنگا ہوکر 266.11 روپے پر بند ہواتھا۔
ڈالر کی قدر بڑھی تو صارفین نے سماجی رابطوں کی ویب سائٹس کا رخ کیا اور دلچسپ تبصروں اور تجزیوں کے ساتھ ساتھ میمز کی بھر مار کردی۔
جہاں صارفین ملک کی بگڑتی معاشی صورتحال سے پریشان دکھائی دیے وہیں کچھ صارفین کی رگ ظرافت بھی پھڑک اٹھی۔ ڈالر کےریٹ پر تبصرہ کرتے ہوئے ایک صارف شاہ بی نے ایک تصویر شیئر کی جس میں ایک شخص سمندر کے پانی کو کیل کی مدد سے روکنے کی کوشش کرتا ہوا نظر آرہا ہے۔ اس کے کیپشن میں صارف نے لکھا کہ ڈالر کی بڑھتی ہوئی قیمت کو روکنے کی کوشش کرنے والے اسحاق ڈار کی ایک نایاب تصویر۔
A rare image of Ishaq Dar shb trying to stop the rate of increasing Dollar price #DollarPrice pic.twitter.com/nSf3S3PzYh
— شاہ بی🎀 (@shah_bE3) March 2, 2023
ڈالر کی قدر بڑھنے پر سوشل میڈیا صارفین کے طنز و مزاح کا لیول بھی بڑھ گیا۔ اسی حوالے سے ایک اور صارف اویس علی خان نے قائد اعظم کی ایک تصویر شیئر جس میں وہ خاصے حیران نظر آرہے ہیں۔ صارف نے تصویر کے ساتھ کیپشن میں لکھا کہ اچانک بڑے پیمانے پر اضافے کے بعد سب کا ردعمل۔
Everyone’s reaction after sudden massive hike in #DollarPrice 😳😳 pic.twitter.com/BUC60giIPh
— Awais Ali Khan (@sardarawais) March 2, 2023
گفتگو مزید آگے بڑھی تو ایک صارف نے ڈالر کی قیمت کو دیکھتے ہوئے وفاقی وزیر مریم اورنگزیب کی ایک پرانی ویڈیو شیئر کی جس میں وہ کہتی ہیں آپ روئیں، پیٹیں اور چیخیں۔۔۔
#DollarPrice pic.twitter.com/SDsYENr7F4
— Asif TV 929 (@asifwarraich929) March 2, 2023
ایک اور صارف نے لکھا کہ پرانے پاکستان میں خوش آمدید
Welcome back to Purana Pakistan!👏#DollarPrice pic.twitter.com/IIsxM0u2xK
— Dr. Zainab Yasmeen (@ZainabYasmeen12) March 2, 2023
ٹوئٹر پر ایک صارف نے وزیرِاعظم شہباز شریف کی ایک تصویر شیئر کرتے ہوئے لکھا کہ روپے نے ڈالر کے سامنے ہاتھ کھڑے کردیے۔
روپے نے ڈالر کے سامنے ہاتھ کھڑے کر دیے ، pic.twitter.com/k5XGZmQkWI
— Broken News (@NewsParodyPk) March 2, 2023
اس سے قبل صرف فروری کے مہینے میں ڈالر کی قیمت متعدد بار بڑھی اور کم ہوئی۔
یکم فروری 2023 کو ڈالر کی قیمت 268.83 روپے تھی جو 7 فروری تک 276.28 روپے تک پہنچ گئی۔ اس کے بعد 8 فروری کو ڈالر کی قیمت میں کمی ہوئی اور ڈالر 273.33 پر آگیا اور اس کی قیمتوں میں اتار چڑھاؤ آتا رہا جو 28 فروری کو 261.50 کی سطح پر پہنچ گیا۔
جبکہ گزشتہ روز یکم مارچ 2023 کو ڈالر 266 روپے 11 پیسے پر بند ہوا تھا۔
