معروف پاکستانی اداکار عمران اشرف کی سابقہ اہلیہ کرن اشفاق نے کہا ہے کہ انہوں نے نہیں بلکہ سابق شوہر عمران اشرف نے انہیں چھوڑا تھا۔
کرن اشفاق نے گزشتہ روز پیپلزپارٹی کے رہنما حمزہ چوہدری سے دوسری شادی کر لی ہے جس کے بعد انہوں نے سوشل میڈیا پر اس راز سے پردہ اٹھایا ہے۔
View this post on Instagram
اس سے قبل اداکار عمران اشرف اور کرن اشفاق 2018 میں رشتہ ازدواج میں منسلک ہوئے تھے اور ان کی یہ شادی تقریباً 4 سال چلی اور نومبر 2022 میں طلاق ہو گئی۔ 2020 میں ان کے ہاں بیٹے کی بھی پیدائش ہوئی تھی۔
دونوں طلاق کے بعد خاموش تھے اور شادی کے ختم ہونے پر کوئی تبصرہ نہیں کیا تھا مگر جب کرن اشفاق نے دوسری شادی کی تصاویر سوشل میڈیا پر شیئر کیں تو لوگوں نے تبصرے شروع کر دیے۔
صارفین کے تبصروں پر جواب دیتے ہوئے انہوں نے لکھا کہ کیا وہ گھر پر ہی بیٹھ جاتیں تاکہ والدین دیکھ کر پریشان ہوتے۔ عمران اشرف سے رشتہ ٹوٹنے کی وضاحت کرتے ہوئے انہوں نے کہاکہ میں نے نہیں عمران نے مجھے چھوڑا تھا۔
کرن اشفاق نے یہ بھی واضح کیا کہ یہ کوئی پیار کی شادی نہیں بلکہ خاندان کی پسند پر نئے جیون ساتھی کا انتخاب ہوا ہے۔
کرن اشفاق نے وضاحت کرتے ہوئے یہ تو بتا دیا ہے کہ عمران اشرف نے انہیں چھوڑا مگر طلاق کی وجہ بتانے سے گریز کیا ہے۔
