کینبرا میں پاکستان اور پرائم منسٹر الیون کے درمیان چار روزہ ٹور میچ میں قومی ٹیم نے اپنی پہلی اننگز 9 وکٹوں کے نقصان پر 391 رنز بنا کر ڈیکلیئر کر دی۔ اس وقت آسٹریلیا کی بیٹنگ جاری ہے۔
پہلے دن کھیل کے اختتام پر پاکستان نے 6 وکٹوں کے نقصان پر 324 رنز بنائے تھے۔ کپتان شان مسعود نے شاندار ڈبل سینچری اسکور کی، 201 رنز پر وہ ناقابل شکست رہے۔
مزید پڑھیں
پاکستان کی پہلی اننگز
کینبرا کے مانوکا اوول گراؤنڈ میں کھیلے جا رہے میچ میں کپتان شان مسعود نے ٹاس جیت کر پہلے بیٹنگ کا فیصلہ کیا۔
پاکستان کی جانب سے عبداللہ شفیق اور امام الحق نے اننگز کا آغاز کیا لیکن امام الحق 9 رنز بنا کر بکنگھم کی گیند پر آؤٹ ہوگئے۔
عبداللہ شفیق بھی 38 رنز بنا کر اسٹیکیٹی کا شکار بنے جبکہ سابق کپتان بابر اعظم بھی 40 رنز بنا کر بکنھگم کا شکار بنے۔
سعود شکیل 13 رنز بنا کر ٹوڈ مرفی کی بال پر کلین بولڈ ہوئے۔
پہلی اننگز میں پاکستانی ٹیم نے کپتان شان مسعود کی ڈبل سینچری کی بدولت 391 رنز بنا کر اننگز ڈیکلیئر کردی۔
