سابق مس ورلڈ بھارتی اداکارہ سشمیتا سین نے جمعرات کو سوشل میڈیا پر اپنے والد کے ہمراہ اپنی ایک تصویر شیئر کرتے ہوئے مداحوں کو اپنے پیغام سے چونکا کر رکھ دیا۔
فلموں سے دور رہنے کے باوجود بولی وڈ میں ابھی تک اپنی فٹنس کے حوالے سے مشہور سشمیتا سین کو چند روز قبل دل کا دورہ پڑا تھا۔
خوبرو بھارتی اداکارہ نے انسٹاگرام پر اپنے مداحوں کو چند روز قبل دل کے دورہ کا سامنا کرنے کا بتاتے ہوئے لکھا ہے کہ انہیں انجیو پلاسٹی بھی کرانی پڑی تاہم اب وہ بہتر محسوس کررہی ہیں۔
شسمیتا سین نے اپنی صحت سے متعلق پوسٹ تحریر کرتے ہوئے اپنی والد کے ساتھ خوبصورت تصویر بھی شیئر کی ہے۔
47 سالہ اداکارہ کے مطابق انجیوپلاسٹی کے دوران ان کے دل میں کامیابی سے اسٹنٹ فٹ کردیا گیا ہے۔
’سب سے بڑھ کر میرے کارڈیولوجسٹ نے میرے دل کے وسیع ہونے کی تصدیق کی ہے۔ سب ٹھیک ہے اور میں دوبارہ سے کچھ زندگی گزارنے کیلئے تیار ہوں۔‘
اپنے والد کے الفاظ تحریر کرتے ہوئے شسمیتا سین کا کہنا ہے کہ ’اپنے دل کو خوش بہادر رکھو تو یہ اس وقت آپ کے ساتھ دھڑکے گا جب آپ کو اس کی اشد ضرورت ہوگی۔‘