بالی وڈ اداکار وکی کوشل نے شادی کی دوسری سالگرہ پر اداکارہ کترینہ کیف کی محبت سے بھرپور خفیہ ویڈیو جاری کرکے سب کی توجہ اپنی جانب مبذول کرالی۔ ویڈیو کو اب تک 11 لاکھ سے زائد بار دیکھا جا چکا ہے۔
بالی وڈ کا معروف اداکار جوڑا کترینہ کیف اور وکی کوشل اپنی فنکارانہ صلاحیتوں کے ساتھ ساتھ محبت سے بھرپور ازدواجی زندگی میں بھی لوگوں کے لیے مثال ہے۔ فوٹو اینڈ ویڈیو شیئرنگ ایپ انسٹاگرام پر وکی کوشل نے شادی کے 2 سال مکمل ہونے کی خوشی میں کترینہ کی خفیہ ویڈیو جاری کرتے ہوئے اپنی لازوال محبت کا ثبوت دیا ہے۔
View this post on Instagram
ویڈیو میں وکی کوشل ہیڈ فون لگائے خاموشی سے اہلیہ کو تک رہے ہیں جبکہ ساتھ ہی بیٹھی کترینہ کیف اپنے ہاتھوں کے اشارے سے فائٹنگ کرتی نظر آرہی ہیں۔ دلکش ویڈیو کا اشتراک کرتے ہوئے اداکار نے لکھاکہ ’دوران پرواز اور زندگی میں، تفریح میں ہر لمحہ تم سے محبت کرتا ہوں۔‘
یاد رہے کہ اس سے قبل وکی کوشل کے بھائی سنی کوشل نے بھی انسٹا گرام اسٹوری کے ذریعے وکی اور کترینہ کو سالگرہ کی مبارکباد کا پیغام جاری کیا تھا۔ وکی اور کترینہ نے دسمبر 2021 میں قریبی عزیزوں اور فلم انڈسٹری کے چند دوستوں کی موجودگی میں اپنی زندگی کے نئے سفر آغاز کیا تھا۔
