ہالی ووڈ گلوکارہ ٹیلر سوئفٹ اور سیلینا گومز نے امریکا میں غزہ کی امداد کے لیے فنڈ ریزنگ کی تقریب میں شرکت کی ہے جس کی تصاویر سوشل میڈیا پر وائرل ہو رہی ہیں۔
ٹیلر سوئفٹ اور سیلینا گومز نے نیویارک میں عرب امریکی کامیڈین رامی یوسف کے کامیڈی کلب میں غزہ کے لیے فنڈ ریزنگ تقریب میں شرکت کی تھی۔
میڈیا رپورٹس میں یہ بھی کہا گیا ہے کہ ’دی کوئینز گیمبٹ‘ کی اداکارہ اینیا ٹیلر جوئے اور بیٹ مین کی زوئی کراوٹز نے بھی اس شو میں شرکت کی تھی۔
کامیڈین رامی یوسف نے گزشتہ ماہ اپنی انسٹاگرام پوسٹ میں بتایا تھا کہ ان کا کلب اپنی آمدنی کا 100 فیصد این جی او ’اینیرا‘ کو غزہ میں امدادی سرگرمیوں کے لیے عطیہ کرے گا۔
واضح رہے کہ اس سے پہلے سیلینا گومز کو غزہ میں جاری جنگ کے بارے میں بات کرنے سے انکار کرنے پر شدید ردعمل کا سامنا کرنا پڑا تھا۔ فلسطین کے حامیوں نے مشہور شخصیات اور سوشل میڈیا انلفلوئنسرز سے مطالبہ کیا ہے کہ وہ غزہ میں پیدا ہونے والے انسانی بحران کو دنیا کے سامنے لانے کے لیے اپنے پلیٹ فارم کا استعمال کریں۔
