امریکی الیکٹرک گاڑیاں بنانے والی کمپنی ٹیسلا نے ایک ایسی کار بنائی ہے جو بھارتی شہری صرف 17 لاکھ میں خرید سکیں گے۔
امریکی کمپنی ٹیسلا نے عندیہ دیا ہے کہ بھارت میں بنائے جانے والے اس کے تقریباً تمام یونٹس 20 ہزار امریکی ڈالر یعنی 17 لاکھ روپے تقریبا بھارتی روپے تک ہوں گے۔
بھارتی حکومت اور امریکی الیکٹرک کارمیکر کمپنی ٹیسلا میں ایک معاہدہ بھی متوقع ہے۔ جس کے تحت ٹیسلا کو بھارت میں اپنی گاڑیاں امپورٹ کرنے کی اجازت ہوگی۔
بھارت میں پہلی ٹیسلا الیکٹرک کار کی انتہائی کم قیمت دیکھتے ہوئے پاکستانی بھی اس پر تبصرہ کیے بنا نہ رہ سکے۔
سماجی رابطوں کی سائیٹ ایکس پر صارفین کی جانب سے ٹیسلا کی کم قیمت گاڑی کا مقابلہ دیگر گاڑیوں کے ساتھ کیا جا رہا ہے۔
ایک صارف نے لکھا کہ ٹیسلا کا بیس ماڈل تھری ڈنمارک میں تقریباً پونے 2 کروڑ پاکستانی روپے کا پڑتا ہے جبکہ جو انڈیا میں ٹیسلا بنے گی وہ یہاں سے کئی گنا سستی ہے، صارف کا مزید کہنا تھا کہ یہ وہ چیزیں ہیں جن پر ہمیں سوچنا ہے مگر ہمارا سارا مین سٹریم اور سوشل میڈیا ایک انسان کے بنائے ہوئے بیانیے میں پھنسا ہوا ہے۔ کاروبار، سرمایہ کاری اور روزگار ہی ہمارے ہر مسئلے کا حل نکال سکتا ہے۔
ٹیسلا کا جو بیس ماڈل تھری ہے وہ بھی ڈنمارک میں تقریباً پونے دو کروڑ پاکستانی کا پڑتا ہے جبکہ جو انڈیا میں ٹیسلا بنے گئ وہ یہاں سے کئی گنا سستی ہے ٹیسلا کا خیال ہے کہ وہ انڈیا میں دو ارب ڈالر کی نوعسٹمنٹ کریں گے جبکہ ٹیسلا کے جو پارٹ انڈیا کی انڈسٹری سے خریدیں گے وہ پندرہ ارب ڈالر… pic.twitter.com/Jq2fke7IFq
— RAShahzaddk (@RShahzaddk) December 10, 2023
ملک حسن نے پاکستانی سوزوکی آلٹو کو تنقید کا نشانہ بناتے ہوئے لکھا کہ بھارت نے 17 لاکھ میں ٹیسلا الیکٹرک گاڑی بنا لی جبکہ ہماری ٹین ڈبے کی آلٹو 30 لاکھ میں ہے۔
دشمن کے بچوں نے بھارت میں 17 لاکھ میں ٹیسلا الیکٹرک گاڑی بنا لی جبکہ ہماری ٹین ڈبے کی آلٹو 30 لاکھ میں ہے pic.twitter.com/sgUNlJb4Yf
— Malik Hassan (@MH__586) December 10, 2023
زینب قریشی نے ایک طرف ٹیسلا گاڑی کی تصویر شیئر کی جبکہ دوسری جانب ایک حادثے میں تباہ حال گاڑی کی تصویر شیئر کرتے ہوئے لکھا کہ بھات میں ٹیسلا 17 لاکھ کی ہے جبکہ پاکستان میں اس سے دگنی قیمت میں صرف کچرا ملتا ہے۔
https://Twitter.com/xee_que/status/1733884357126058435?s=20
ایک اور صارف نے لکھا کہ اسے کہتے ہیں ترقی جو انڈیا نے 17 لاکھ میں ٹیسلا گاڑی تیار کر لی جبکہ پاکستان میں 17 لاکھ میں صرف کھوتا ریڑھی ملتی ہے۔
17 لاکھ میں ٹیسلا ۔ اسکو کہتے ہیں ترقی ۔ ہمارے ہاں 17 لاکھ میں کھوتا ریڑھی ملتی ۔ یہ گاڑی فلی انڈین میڈ ہو گی اور ہمارے ہاں نا ظلم ختم ہو رہا اور نا مناظرے مک رہے ۔ بندہ کدھر جائے اوئے pic.twitter.com/ukJMYaVvY2
— Faaru (@FaaruSays) December 11, 2023
واضح رہے جہاں الیکٹرک گاڑیوں کی مانگ میں ہوشربا اضافہ دیکھنے میں آ رہا ہے وہیں ٹیسلا کی جانب سے کم قیمت الیکٹرک کار خطے میں گیم چینجر ثابت ہوسکتی ہیں۔
