سوشل میڈیا پر ایک خبر گردش کر رہی ہے جس میں بتایا گیا ہے کہ نادرا نے ’فارم ب‘ کے حوالے سے اپنی پالیسی میں کوئی تبدیلی کی ہے۔
اس حوالے سے نادرا نے بیان جاری کیا ہے کہ اتھارٹی کی جانب سے ’فارم ب‘ کے اجرا کی پالیسی میں کوئی تبدیلی نہیں کی گئی ہے اور نہ ہی کسی قسم کی کوئی تبدیلی زیرغور ہے۔
علاوہ ازیں نادرا نے یہ بھی واضح کیا ہے کہ ’فارم ب‘ کے حصول کے لیے کسی طرح کی کوئی ڈیڈلائن بھی مقرر نہیں کی گئی۔
نادرا کی جانب سے "فارم ب" کے اجراء کی پالیسی میں کوئی تبدیلی نہیں کی گئی اور نہ ہی کسی قسم کی کوئی تبدیلی زیرغور ہے۔
"فارم ب" کے حصول کے لئے کسی طرح کی کوئی ڈیڈلائن بھی مقرر نہیں کی گئی۔
بعض حلقوں کی جانب سے انٹرنیٹ پر سامنے آنے والے کچھ بیانات حقائق کے منافی ہیں اور شہریوں کو…— NADRA (@NadraPak) December 18, 2023
نادر ا کا کہنا ہے کہ بعض حلقوں کی جانب سے انٹرنیٹ پر سامنے آنے والے کچھ بیانات حقائق کے منافی ہیں اور شہریوں کو گمراہ کرنے کا باعث بن رہے ہیں۔ نادرا نے اس بات پر زور دیا کہ ذمہ دار شہری ہونے کا تقاضا ہے کہ اس طرح کی غلط خبریں پھیلانے سے گریز کیا جائے۔
