عمران خان کا انتخابات میں حصہ لینے کا راستہ بند، توشہ خانہ کیس میں سزا کا فیصلہ معطل کرنے کی درخواست مسترد

اسلام آباد ہائیکورٹ نے توشہ خانہ کیس میں سزا کا فیصلہ معطل کرنے کی درخواست مسترد کردی، جس کے بعد بانی چیئرمین پاکستان تحریک انصاف (پی ٹی آئی) عمران خان کا عام انتخابات 2024 میں حصلہ لینے کا راستہ بند ہو گیا ہے۔

توشہ خانہ فوجداری کیس میں عمران خان کی ٹرائل کورٹ سے 3 سال قید کی سزا کا فیصلہ معطل کرانے کی درخواست اسلام آباد ہائیکورٹ نے مسترد کر دی۔ چیف جسٹس عامر فاروق اور جسٹس طارق محمود جہانگیری پر مشتمل 2 رکنی ڈویژن بینچ نے 9 صفحات پر مشتمل فیصلہ جاری کر دیا۔

مزید پڑھیں

• توشہ خانہ کیس: احتساب عدالت سے عبوری ضمانت مسترد ہونے پر عمران خان گرفتار

  

• مقتدرہ اور عدلیہ پاکستان کے ساتھ بہت بڑی زیادتی کر رہے ہیں، عمران خان

  

• عمران خان نے توشہ خانہ کیس میں سزا معطلی کے خلاف سپریم کورٹ سے رجوع کر لیا

  

• عمران خان کا توشہ خانہ کیس میں سزا معطلی کے لیے دوبارہ سپریم کورٹ سے رجوع

  

• نااہلی سے متعلق فیصلہ معطل ہونے سے سزا معطل نہیں ہوتی، سپریم کورٹ

  

• نیب کیسز میں جیل ٹرائل کیخلاف عمران خان کی درخواست پر فیصلہ محفوظ

  

• عمران خان کیخلاف توشہ خانہ کیس کا فیصلہ معطل کرنے کی درخواست، الیکشن کمیشن سے تحریری دلائل طلب

  

• توشہ خانہ کیس: نواز شریف احتساب عدالت اسلام آباد پہنچ گئے

  

عدالت نے اس کیس میں عمران خان کی سزا معطل کرکے ضمانت پر رہا کر رکھا ہے، تاہم مرکزی اپیل پر حتمی فیصلہ باقی ہے۔ عمران خان کے وکلا کا کہنا تھا کہ ٹرائل کورٹ نے صرف سزا معطل کی ہے مکمل فیصلہ نہیں دیا، مکمل فیصلہ معطل کیا جائے تاکہ عمران خان کی نااہلی ختم ہوسکے۔

بعض قانونی ماہرین کا ماننا ہے کہ سزا یا فیصلہ معطلی سے نااہلی ختم نہیں ہوتی بلکہ ٹرائل کورٹ کا فیصلہ کالعدم قرار پانے پر ہی نااہلی ختم ہو سکتی ہے۔

واضح رہے سیشن کورٹ نے عمران خان کو توشہ خانہ کیس میں سزا سنائی تھی، جس پر عمران خان کی جانب سے اسلام آباد ہائیکورٹ میں فیصلے کے خلاف درخواست دائر کی گئی۔ آج اسلام آباد ہائیکورٹ کی جانب سے سزا معطل کرنے کی درخواست خارج کردی گئی۔