بھارت اور جنوبی افریقہ کے درمیان 2 ٹیسٹ میچوں پر مشتمل فریڈم ٹرافی کا پہلا ٹیسٹ میچ آج سے سپر اسپورٹس پارک سینچورین میں شروع ہو چکا ہے۔ پاکستان اور آسٹریلیا کے درمیان میچ کی طرح اس میچ کو بھی باکسنگ ڈے ٹیسٹ کا نام دیا گیا ہے۔
سینچورین میں میزبان جنوبی افریقہ نے ٹاس جیت کر پہلے فیلڈنگ کا فیصلہ کیا جو کہ درست ثابت ہوا اور مضبوط بھارتی بیٹنگ جنوبی افریقہ کے تیز بولرز کے آگے لڑکھڑا گئی اور پہلے روز کے اختتام پر 208 رنز پر 8 کھلاڑی پویلین واپس چلے گئے۔
بھارت کی جانب سے کپتان روہت شرما 5 رنز بنا کر آؤٹ ہوئے جبکہ اوپنر یشوی جیسوال 17، شبمن گل 2، ویرات کوہلی 38، شریاز ایئر 31، ایشون 8، شاردل ٹھاکر 24 جبکہ جسپریت بمراہ ایک رنز بنا کر پویلین لوٹ گئے۔
کے ایل راہول نے ذمہ دارانہ بیٹنگ کا مظاہرہ کرتے ہوئے 70 رنز بنا لیے ہیں جبکہ ان کاساتھ دینے کے لیے محمد سراج وکٹ پر موجود ہیں۔
جنوبی افریقہ کے بولرزنے نپی تلی لائن و لینتھ پر بولنگ کی اور بھارت بیٹرز کو وکٹ پر رکنے نہ دیا۔ کگیسو ربادا نے شاندار بولنگ کرتے ہوئے 5 کھلاڑیوں کو آؤٹ کیا، ناندرے برگر نے 2 جبکہ مارکو جینسن نے ایک وکٹ حاصل کی۔
Five more in the KG collection 👍👍#SAvIND pic.twitter.com/LfJjD8hgNj
— ESPNcricinfo (@ESPNcricinfo) December 26, 2023
پہلے دن کے اختتام پر بھارت کا مجموعی اسکور 8 وکٹوں کے نقصان پر 208 ہے۔ بارش کے باعث پہلے دن صرف 59 اوورز کا کھیل ہی مکمل ہو سکا۔
Rain, rain, has called it a day 🌧️
Who will be the happier of the two sides after day 1? https://t.co/ijBl1mtJIA | #SAvIND pic.twitter.com/TVSkQE4Gwl
— ESPNcricinfo (@ESPNcricinfo) December 26, 2023
امپائرز کی جانب سے دونوں ٹیموں کے کپتانوں کو یہ پیغام پہنچا دیا ہے کہ پہلے دن جو وقت ضائع ہوا ہے اس کو پورا کرنے کے لیے اس ٹیسٹ میچ کے اگلے 4 روز میں ہر دن 98 اوورز کھیلے جائیں گے۔
