پاکستان جا کر اتنا پیار ملا، لگا میں انڈیا میں ہوں، بھارتی صحافی بھارت سندرسن

ہفتہ 30 دسمبر 2023
icon-facebook icon-twitter icon-whatsapp

آسٹریلین صحافی پیٹر لیلور اور بھارتی اسپورٹس صحافی بھارت سندرسن نے پاکستان کی تعریفوں کے پُل باندھ دیے۔ میلبرن ٹیسٹ میچ کے اختتام پر ایک اسپورٹس شو میں بات کرتے ہوئے آسٹریلیا صحافی اور مصنف پیٹر لیلور نے کہا کہ ‘اگر آپ نے کلچر دیکھنا ہے تو پاکستان جائیں’۔

پیٹر لیلور نے کہا کہ 24 سال بعد جب آسٹریلین ٹیم نے پاکستان کا دورہ کیا تو وہاں کے لوگ ٹیسٹ کرکٹ دیکھنے کم جبکہ آسٹریلین کھلاڑیوں کو خوش آمدید کہنے زیادہ آئے تھے۔ ان کا مزید کہنا تھا کہ پاکستانی مداحوں نے آسٹریلین ٹیم کو اتنا پیار دیا کہ باؤنڈری پر کھڑی ڈیوڈ وارنر ان کے ساتھ ناچنے لگے۔

آسٹریلین ٹیم کے ساتھ آئے بھارتی صحافی اور ‘دی دھونی ٹچ’ کے مصنف بھارت سندرسن بھی پاکستان کی تعریف کرتے پھولے نہیں سما رہے تھے، انہوں نے کہا کہ جب میں وہاں گیا کراچی کی گلیوں میں گھوما، ہر بندہ ہمیں خوش آمدید کہہ رہا تھا، ہم سے کھانے کے پیسے نہیں لیے کسی نے، پاکستان میں مجھے ایسا لگا جیسے میں بھارت میں ہوں۔ ہر کوئی ہمیں مہمان نوازی کے لیے اپنے گھر بلا رہا تھا۔

بھارتی صحافی کا مزید کہنا تھا کہ اگرچہ آسٹریلیا نے سیریز میں پاکستان کو زیر کر لیا تھا لیکن اس کے باوجود گراؤنڈ میں موجود تمام شائقین آسٹریلیا کی ٹیم کے نعرے لگا رہے تھے، ان کے لیے تالیاں بجا رہے تھے، یہ مناظر قابل دید تھے۔

ان کا مزید کہنا تھا کہ جب پاکستانی شائقین کو پتہ چلا کہ میں بھارت سے ہوں تو وہ آسٹریلین صحافیوں کو چھوڑ کر میرے ساتھ زیادہ گھل مل گئے، مجھ سے بھارت کے بارے میں پوچھنے لگے، بھارتی لوگوں کے بارے میں جاننے لگے،سیلفیز بنوائیں اور مجھے بہت پیار دیا۔ بھارتی ہونے کے باعث میرے بھی پاکستان کے بارے میں کوئی اچھے تاثرات نہیں تھے لیکن جب میں لاہور اور کراچی کی گلیوں میں گھوما مجھے یہ محسوس ہی نہیں ہوا کہ میں بھارت میں ہوں۔

آسٹریلوی مصنف کا کہنا تھا کہ پاکستان ایک بہت محفوظ اور بہت مہمان نواز ملک ہے ہم نے ہمیشہ پاکستان کے بارے میں منفی باتیں سنی تھی کہ وہاں ہر وقت بم پھٹتے ہیں اور وہاں اسامہ بن لادن موجود ہے لیکن جب ہم وہاں گئے تو ایسا کچھ بھی نہیں تھا،ہمارا پاکستان جا کر مؤقف مکمل طور پر تبدیل ہو گیا

شائقین کرکٹ کو مخاطب کرتے ہوئے پیٹر لیلور نے کہا کہ ‘اگر آپ نے ٹیسٹ میچ دیکھنا ہے تو آپ انگلینڈ جائیں، لیکن اگر آپ نے ثقافت دیکھنی ہے تو آپ پاکستان جائیں’

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

پاکستان میں تانبے، سونے، لیتھیم اور دیگر اہم معدنیات کی تلاش تیز، عالمی سرمایہ کاروں کو سرمایہ کاری کی دعوت

190 ملین پاؤنڈ کیس میں سزا کیخلاف عمران خان اور بشریٰ بی بی کی اپیلیں 18 نومبر کو سماعت کے لیے مقرر

190 ملین پاؤنڈ کیس: بانی پی ٹی آئی سے ملاقات کے بعد سیاسی معاملات پر بات نہیں ہوگی، اسلام آباد ہائیکورٹ کا حکم

اسحاق ڈار کا ازبک وزیر خارجہ سے ٹیلیفونک رابطہ، اسلام آباد میں ای سی او وزرائے خارجہ اجلاس پر تبادلہ خیال

وراثتی حق وقت گزرنے سے ختم نہیں ہوتا، خواتین کو جائیداد سے محروم کرنا جرم ہے، سپریم کورٹ

ویڈیو

مالاکنڈ: نامکمل سڑک زحمت بن گئی، کام شروع ہی نہ کرتے تو بہتر ہوتا، شہریوں کی دہائی

بھارت کی سوچ چھوٹی، پاکستان مسلم دنیا میں قائدانہ کردار ادا کرتے ہوئے انہیں متحد کر سکتا ہے، پروفیسر ڈاکٹر چینگ شژونگ

7 ٹریلین ڈالر کی امریکی سرمایہ کاری والی بات درست نہیں، غیر قانونی کان کنی پر کوئی سمجھوتا نہیں کیا جائے گا، مشیر معدنیات خیبرپختونخوا

کالم / تجزیہ

یمن کے حوثی اب مسلم امہ کے لیے ناسور بن چکے ہیں

فلسفہ وغیرہ !

جے یو آئی تحریک انصاف کے راستے پر؟