رانا ثنا اللہ اشتہاری نکلے، 2 کانسٹیبلز کو جان سے مارنے کی غرض سے گاڑی چڑھانے کا الزام

پاکستان مسلم لیگ ن پنجاب کے صدر اور سابق وزیر داخلہ رانا ثنا اللہ عدالتی اشتہاری نکلے، گوجرانوالہ کے تھانہ اسٹیلائٹ ٹاؤن میں رانا ثنا اللہ بطور اشتہاری ملزم مطلوب ہیں۔

تھانہ اسٹیلائٹ ٹاؤن میں رانا ثنا اللہ کے خلاف دائر فرسٹ انفارمیشن رپورٹ( ایف آئی آر) میں رانا ثنا اللہ  پر پاکستان ڈیموکریٹک الائنس (پی ڈی ایم) کے جلسے کے روز پولیس کو مزاحمت کرنے اور کنٹینرز کو زبردستی ہٹانے کا الزام ہے۔

مزید پڑھیں

• 12 اکتوبر 1999 کا دن نہ آتا تو پاکستان آج اس حال میں نہ ہوتا، رانا ثنا اللہ

  

• سابق وفاقی وزیر داخلہ رانا ثنا اللہ پاور گیم سے کیسے باہر ہوئے؟

  

• آئندہ عام انتخابات میں ن لیگ پنجاب کی 120 سے 125 نشستیں حاصل کرے گی، رانا ثنا اللہ

  

• پی ٹی آئی تمام حدیں عبور کر چکی، 9 مئی کی بغاوت کا جواب دینا ہوگا، رانا ثنا اللہ

  

رانا ثنا اللہ کے خلاف دائر مقدمے میں یہ بھی الزام ہے کہ مسلم لیگ ن کے رہنما کے قافلے کی گاڑی نے 2کانسٹیبلز کو جان سے مارنے کی غرض سے گاڑی چڑھائی، اور رانا ثنااللہ اور دیگر نے کار سرکار میں مداخلت کی۔

ایف آئی آر کے مطابق 20اکتوبر 2020 کو رانا ثناء اللہ اور خرم دستگیر سمیت 6ملزمان کے خلاف مقدمہ درج ہوا جب کہ گوجرانوالہ کی مقامی عدالت نے 5ملزمان کو 24اکتوبر 2023کو عدم ثبوت پر بری کردیا تھا۔