حکومت پاکستان نے پیر کو غزہ کے عوام کے لیے امدادی سامان کی تیسری کھیپ روانہ کر دی ہے۔ وزیر خارجہ جلیل عباس جیلانی نے پاک فضائیہ کے خصوصی طیارے کے ساتھ نور خان ایئربیس پر کارگو روانہ کیا۔
Pakistan has dispatched third consignment of 20 tons of relief goods for the people in Gaza@JalilJilani @ForeignOfficePk @pmofa #BreakingNews #RadioPakistan https://t.co/0gr5BaF8QD pic.twitter.com/kfhLhVzXo3
— Radio Pakistan (@RadioPakistan) January 1, 2024
دفتر خارجہ کے مطابق مصر کے العریش ہوائی اڈے پر پہنچنے کے بعد یہ کھیپ جس میں ادویات، سرجیکل، طبی سامان، حفظان صحت کی کٹس اور خشک راشن شامل ہیں، کو آگے فلسطین تک پہنچانے کے لیے ہلال احمر کے حوالے کیا جائے گا۔
روانگی کی تقریب سے خطاب کرتے ہوئے نگراں وزیر خارجہ جلیل عباس جیلانی نے اس کھیپ کو نئے کیلنڈر سال کی پہلی صبح فلسطینی بھائیوں اور بہنوں کے ساتھ یکجہتی کی علامت قرار دیا۔
The Government of Pakistan dispatched the third consignment of relief goods for the people of Gaza, today. Foreign Minister Jalil Abbas Jilani sent off the cargo with a special Pakistan Airforce aircraft at Noor Khan Airbase.
After arrival at Al Arish Airport in Egypt, the… pic.twitter.com/95Irr7Ogso
— Ministry of Foreign Affairs – Pakistan (@ForeignOfficePk) January 1, 2024
وزیر خارجہ نے فلسطینی عوام کی حق خودارادیت کی جائز اور جرات مندانہ جدوجہد میں ان کی غیر متزلزل حمایت کا اعادہ کرتے ہوئے کہا کہ وحشیانہ اسرائیلی جارحیت کا سامنا کرنے والے مقبوضہ غزہ کے عوام کے لیے جنگ بندی اور انسانی امداد کی بلا روک ٹوک فراہمی جاری رہنی چاہیے۔
تقریب میں موجود فلسطینی سفیر نے فلسطینی عوام کے ساتھ اظہار یکجہتی کرتے ہوئے نئے سال کے موقع پر مسلسل حمایت پر حکومت پاکستان اور عوام کا شکریہ ادا کیا۔
