پاکستان کے میدانی علاقوں خصوصاً پنجاب کے میدانی علاقوں میں گزشتہ دو ماہ سے اسموگ نے ڈیرے ڈالے ہوئے تھے تاہم رواں سال اسموگ کے ساتھ فوگ (دھند) نے بھی بشمول وفاقی دارالحکومت اسلام آباد کا رخ کیا ہے، آج تیسرا روز ہے کہ اسلام آباد میں دھند نے ڈیرے جما رکھے ہیں۔
دھند سے کون سی موٹرویز متاثر ہیں؟
محکمہ موسمیات کے مطابق آج صوابی سے پشاور، صوابی سے اسلام آباد موٹرویز(M1) پر دھند چھائی رہے گی، ایم 2 پر اسلام آباد سے لاہور، اسلام آباد سے کلر کہار، کلر کہار سے پنڈی بھٹیاں موٹروے دھند کی لپیٹ میں رہے گی، ایم 3 لاہور سے عبدالحکیم موٹروے پر بھی آج دھند کے ڈیرے ہیں۔
ایم11 سیالکوٹ سے لاہور، ایم 4 پنڈی بھٹیاں سے فیصل آباد اور فیصل آباد سے ملتان پر بھی دھند چھائی ہوئی ہے، ایم5 ملتان سے سکھر اور ایم9 حیدر آباد سے کراچی موٹروے پر بھی اس وقت دھند کے ڈیرے ہیں۔
نیشنل ہائی ویز پر بھی دھند کے ڈیرے
اسلام آباد سے کھاریاں((N1 ہائی وے پر بھی دھند چھائی رہے گی، کھاریاں سے لاہور (N5-2)، لاہور سے ملتان N5-3، ملتان سے رحیم یارخان N5-4، رحیم یار خان سے کراچی N5-5، گھوٹکی سے حیدرآباد N5-6، جیکب آباد سے روہڑی N6، کراچی سے لسبیلہ N25، کراچی سے پشین N25، کراچی تو مسلم باغ N50 اور جیوانی سے گوادر N10 پر اور متصلہ علاقوں میں دھند کے ڈیرے ہیں۔
پنجاب، خیبر پختونخوا کے میدانی علاقوں اور بالائی سندھ میں شدید دھند برقرار رہنے کی پیشگوئی
محکمہ موسمیات کے مطابق آنے والے کئی دنوں تک مسلسل خشک موسم کے باعث اسلام آباد سمیت پنجاب، خیبرپختونخوا کے میدانی علاقوں اور بالائی سندھ میں شدید دھند چھائی رہے گی۔
مزید پڑھیں
04 جنوری سے مغربی ہواؤں کا سلسلہ بلوچستان میں داخل ہونے کا امکان ہے جو کہ 05 جنوری تک بلوچستان کے بعض علاقوں کو متاثر کرے گا۔ 04 اور05 جنوری کے دوران چاغی، کوئٹہ، چمن، زیارت، قلعہ عبداللہ، قلعہ سیف اللہ، لورالائی، پشین، مستونگ، ژوب، قلات، موسیٰ خیل، خاران، ہرنائی، سبی، نوشکی، خضدار اور مکران کے ساحلی علاقوں میں تیز ہواؤں اور گرج چمک کےساتھ ہلکی سے درمیانی بارش اور پہاڑوں پر برفباری کا امکان ہے۔
ممکنہ اثرات اور اقدامات
شدید دھند کے باعث دن کے معمول کے درجہ درجہ حرارت 03 سے 05 ڈ گری سینٹی گر یڈ کم رہیں گے اور دھند سے متاثرہ علاقوں میں موسم شدید سرد رہے گا۔
شدید دھند صحت کے مسائل کا سبب بن سکتی ہے، شدید دھند کے باعث پروازیں، ریلوے اور ہائی ویز اور موٹر ویز کے آپریشنز متاثر ہو سکتے ہیں، اسلام، آباد ایئرپورٹ سے فلائٹ آپریشن بھی متاثر ہوسکتا ہے۔
محکمہ موسمیات نے شدید دھند کے باعث شہریوں کو سفر کے دوران محتاط رہنے کی ہدایت کی ہے۔
