پاکستان سپر لیگ کا آٹھواں سیزن ہر گزرتے دن کے ساتھ مزید دلچسپ ہوتا جا رہا ہے ، کرکٹرز سے لے کر پی ایس ایل کے پریزنٹرز تک سب سماجی رابطوں کی ویب سائٹس پر اپنی ایک الگ چھاپ چھوڑنے کی تگ و دو میں ہیں وہیں صارفین بھی کھلاڑیوں کی پوسٹس پر خوب تبصرے کر رہے ہیں جس سے سوشل میڈیا ویب سائٹس کا ماحول انتہائی خوشگوار ہے۔
ایسی ہی ایک دلچسپ اور خوشگوار گفتگو تب ٹوئٹر کی زینت بنی جب اسلام آباد یونائیٹڈ کے اسٹار بلے باز اعظم خان نے اپنی اور کپتان شاداب خان کی تصاویر ٹوئٹر پر ٹوئٹ کی، پوسٹ میں دیکھا جا سکتا ہے کہ دونوں کھلاڑی پاکستان مونومنٹ کے سامنے لیٹ کر پوز دے رہے ہیں ، اعظم خان نے ٹوئٹ میں لکھا کس نے اچھا پوز دیا؟ ووٹ کریں
Who did it better? Voting open now pic.twitter.com/J7TTGez7ac
— Azam Khan (@MAzamKhan45) March 6, 2023
اعظم خان کے ٹوئٹ کرتے ہی سوشل میڈیا صارفین کی رگ ظرافت پھڑک اٹھی اور پھر طنز و مزاح اور دلچسپ تبصروں کا ایک طوفان برپا ہوگیا۔ اعظم خان کی کوئٹہ گلیڈیٹرز کے خلاف دھواں دار میچ وننگ اننگز کا حوالہ دیتے ہوئے ایک صارف نے ان کی تصویر کو کیپشن دیتے ہوئے لکھا اعظم خان اپنے والد کی ٹیم کو برباد کرنے کے بعد
Azam Khan After Destroying his own Father’s Team😭😂 pic.twitter.com/kasF7kUSGm
— Aaباs Quraشی❣️ (@Oye_Hoyee) March 6, 2023
کسی کو شاداب خان کا پوز پسند آیا تو کسی کی نظر میں اعظم خان کول لگ رہے ہیں ، وہیں کچھ لوگوں کو فوٹوگرافر سے شکایات تھی،اس حوالے سے ایک صارف نے لکھا تصویر جس نے بنائی ہے اس کو کریڈٹ جانا چاہیے، بیچارے شاداب کی جان بوجھ کر ایسی تصویر بنائی
Pic jisne bnayi osko credit jana chahiye 😬bchare shadab ki pic jan bojh k aese bnayi
— RockingBoy (@rockingboy010) March 6, 2023
اسلام آباد یونائیٹڈ کی لگاتار فتوحات اور اعظم خان کی شاندار کارکردگی کا حوالہ دیتے ہوئے ایک صارف نے لکھا انسان کو اتنے میچز بھی نہیں جیتنے چاہییں
Insaan ko itne matches bhe nhe jeetne chahiye 😂
— Muhammad Noman (@nomanedits) March 6, 2023
یاد رہے کہ اسلام آباد یونائیٹڈ کی ٹیم اب تک ٹورنامنٹ میں 7 میں سے 5 میچز جیت چکی ہے جبکہ پی ایس ایل (پاکستان سپر لیگ) کے 21ویں میچ میں اسلام آباد یونائیٹڈ کی ٹیم کوئٹہ گلیڈی ایٹرزکو شکست دیکر ٹورنامنٹ کے پلے آف مرحلے میں پہنچ گئی۔
