مقبول ماڈل و اداکارہ انوشے عباسی کے لہنگا چولی میں نئے فوٹو شوٹ نے سوشل میڈیا پر تہلکہ مچا دیا ہے۔ لہنگا چولی زیب تن کیے ہیوی جیولری اور میک اپ میں انوشے عباسی کا دلفریب فوٹو شوٹ منظرِ عام پر آیا تو پرستاروں نے انہیں بے حد سراہا۔
سوشل میڈیا ویب سائیٹ انسٹاگرام پر اپنے دلکش فوٹو شوٹ کی تصاویر جاری کرتے ہوئے انوشے عباسی نے شاعر فیض احمد فیض کے ایک مصرعے کے کچھ الفاظ بھی درج کیے ہیں ’گلوں میں رنگ بھرے‘۔
انوشے عباسی اپنے بیباک انداز کی بدولت خبروں کی زینت بنی رہتی ہیں۔ بہترین فنکارانہ صلاحیتوں سے ٹی وی اسکرین کی جان سمجھی جانے والی ادکارہ نے روایتی ملبوسات کو دورِ جدید کا تڑکا بھی لگایا ہے۔
