امریکی مڈ ٹرم انتخابات کے ابتدائی نتائج میں اہم انتخابی حلقوں کی نشستیں ہاتھ سے نکلنے پر صدر ڈونلڈ ٹرمپ نے ریپبلکن پارٹی کی ناکامی کی ذمے داری قبول کرنے سے انکار کر دیا ہے۔
منگل کی رات دیر گئے اپنے سوشل میڈیا پلیٹ فارم ‘ٹروتھ سوشل’ پر جاری کردہ ایک پیغام میں صدر ٹرمپ نے دعویٰ کیا کہ اگر ان کا نام بیلٹ پیپر پر ہوتا تو ریپبلکن پارٹی کانگریس میں اپنا اکثریتی کنٹرول نہ صرف آسانی سے برقرار رکھتی بلکہ ایک شاندار اور تاریخی فتح حاصل کرتی۔
یہ بھی پڑھیے امریکی وسط مدتی انتخابات: ڈیموکریٹس نے ایوانِ نمائندگان کا کنٹرول واپس لے لیا، سینیٹ میں بھی اکثریت کے قریب پہنچ گئے
امریکی مڈ ٹرم انتخابات کے ابتدائی نتائج ظاہر کر رہے ہیں کہ کئی اہم اور سخت مقابلے والے حلقے ریپبلکنز کے ہاتھ سے نکل کر ڈیموکریٹس کے پاس جا رہے ہیں۔
ان نتائج پر صدر ڈونلڈ ٹرمپ نے منگل کی رات ‘ٹروتھ سوشل’ پر ایک پوسٹ کے ذریعے فوری ردِعمل دیتے ہوئے شکست کے ملبے سے خود کو دور کرنے کی کوشش کی ہے۔
صدر ٹرمپ نے دعویٰ کیا کہ اگر اس انتخاب میں ان کا نام براہِ راست بیلٹ پیپر پر شامل ہوتا تو ریپبلکن پارٹی کانگریس میں اپنی اکثریت انتہائی آسانی سے برقرار رکھتی اور پارٹی کو زبردست کامیابی حاصل ہوتی۔
یہ بھی پڑھیے اسرائیل کی سالانہ 4 ارب ڈالر امداد بند کرنے کا اعلان بھی ٹرمپ کو شکست سے بچا نہ سکا
امریکی صدر کی جانب سے یہ بیان ایک ایسے وقت میں سامنے آیا ہے جب ملک بھر میں اہم اور فیصلہ کن انتخابی معرکوں کے دوران خود صدر ٹرمپ کے نامزد اور پسندیدہ امیدواروں کو پے در پے ناکامی اور دباؤ کا سامنا کرنا پڑ رہا ہے۔
