سپریم کورٹ آف پاکستان کے جج جسٹس مظاہر علی اکبر نقوی نے استعفیٰ دے دیا۔ جسٹس مظاہر نے اپنا استعفیٰ صدر مملکت عارف علوی کو بھجوا دیا ہے۔
انہوں نے آج 10 جنوری کو اپنا استعفیٰ چیف جسٹس آف پاکستان کو بھیجا تاہم استعفے پر تاریخ گزشتہ برس 10 جنوری 2023 کی درج ہے جس نے سوشل میڈیا پر ایک نئی بحث چھیڑ دی ہے۔
سوشل میڈیا صارفین کی جانب سے ایک جانب یہ سوال پوچھا جا رہا ہے کہ آکر جسٹس مظاہر علی نقوی نے کب استعفٰی دیا وہیں دوسری جانب اُن کی قابلیت پر بھی سوال اُٹھایا جا رہا ہے کہ انہوں نے اپنے استعفے کا متن بھی نہیں پڑھا۔
ادریس عباسی نامی ایکس صارف نے استعفے میں غلطی کی نشاندہی کرتے ہو ئے اپنی پوسٹ میں لکھا کہ ’ جسٹس مظاہرعلیاکبر نقوی نے اپنے اسٹاف کا ٹائپ کردہ استعفٰی سائن کیا،بطور جج انہوں نے اپنے استعفے کا متن بھی نہ پڑھا اور یہ آج تک جسٹس کا کردار ادا کرتے آئے ہیں‘
جسٹس مظاہر علی اکبر نقوی کے استعفی میں بڑی غلطی سامنے آگئی،جسٹس مظاہر علی اکبر نقوی کے استعفی پر سال 2023 لکھا ہوا ہے،جسٹس مظاہر علی اکبر نقوی نے اپنے سٹاف کا ٹائپ کردہ استعفی سائن کیا،بطور جج انہوں نے اپنے استعفی کا متن بھی نہ پڑھا اور یہ آج تک جسٹس کا کردار ادا کرتے آئے ہیں pic.twitter.com/EaoRVrBW0L
— Idrees Abbasi (@idrees_abbaxi) January 10, 2024
سینئر صحافی زاہد فارق ملک نے بھی استعفے میں موجود غلطی کی نشاندہی کی اور اپنی پوسٹ میں لکھا کہ ’ جسٹس مظاہر علی اکبر نقوی کے استعفی پر سال 2023 لکھا ہوا ہے، انہوں نے اپنے سٹاف کا ٹائپ کردہ استعفٰی سائن کیا‘
جسٹس مظاہر علی اکبر نقوی کے استعفی میں بڑی غلطی سامنے آگئی
جسٹس مظاہر علی اکبر نقوی کے استعفی پر سال 2023 لکھا ہوا ہے
جسٹس مظاہر علی اکبر نقوی نے اپنے سٹاف کا ٹائپ کردہ استعفی سائن کیا. pic.twitter.com/lAS655FL3u
— Zahid Farooq Malik (@zfmalik) January 10, 2024
جہاں ایک طرف صارفین غلطی کی نشاندہی کر رہے ہیں وہیں یہ بحث بھی جاری ہے کہ انکو قانونی فورمز پر آخری حد تک اپنا دفاع کرنا چاہئیے تھا۔ استعفے کا مطلب میدان چھوڑ کر فرار ہونا ہے۔
اگر مظاہر علی نقوی پر عائد الزامات غلط ہیں تو انکو قانونی فورمز پر آخری حد تک اپنا دفاع کرنا چاہئیے تھا۔ استعفے کا مطلب میدان چھوڑ کر فرار ہونا ہے۔ بادی النظر میں جسٹس مظاہر نقوی اپنی پینشن اور مراعات بچانے کے لیے مستعفی ہوئے ہیں۔
— Rizwan Ghilzai (Student of Arshad Sharif) (@RizwanGhilzai) January 10, 2024
دوسری جانب اب سپریم کورٹ کے مستعفی جج مظاہر علی اکبر نقوی نے استعفے پر سال 2023 کو غلطی قرار دے کر اپنے اسٹاف کے ذریعے نیا خط جاری کر دیا ہے اور کہا ہے کہ استعفے پر تاریخ کے ساتھ سنہ 2023 غلطی سے لکھا گیا تھا اسے 2024 ہی پڑھا جائے۔
سپریم کورٹ کے مستعفی جج مظاہر علی اکبر نقوی نے استعفے پر سال 2023 کو غلطی قرار دےکر اپنے سٹاف کے ذریعے نیا خط جاری کر دیا کہ سال کو 2024 سمجھا جائے.. pic.twitter.com/Q0knxySQDc
— Hussain Ahmed Ch (@HussainAhmedCh8) January 10, 2024