لاہور میں قومی کرکٹر محمد حفیظ کے گھر ہونے والی چوری کی واردات میں چور غیر ملکی کرنسی لے اڑے۔
محمد حفیظ کے گھر ہونے والی چوری کی اس واردات میں یورو سمیت چار مختلف ممالک کی کرنسی چوری ہوئی ہے، جس کی کل مالیت تقریباً ایک کروڑ روپے کے مساوی ہے۔
واردات اتوار اور پیرکی درمیانی شب ہوئی، واضح رہے کہ محمد حفیظ اس وقت پی ایس ایل میچز میں مصروف ہیں، جبکہ واردات کی شب محمد حفیظ کی اہلیہ بھی کسی کام کے لیے اسلام آباد گئی ہوئی تھیں۔
مقدمہ محمد حفیظ کی بیوی کے چچا کی مدعیت میں تھانہ ڈیفنس میں درج کیا گیا ہے۔
ایف آئی آر کے مطابق چور ہونے والی کرنسی میں 20 ہزار امریکی ڈالر،4 ہزار برطانوی پاؤنڈ، 3 ہزار یورو اور 5 ہزار اماراتی درہم شامل ہیں۔
