وفاقی حکومت نے سوشل میڈیا پر سپریم کورٹ کے ججوں کے خلاف مہم کی تحقیقات کے لیے مشترکہ تحقیقاتی کمیٹی تشکیل دے دی ہے۔
نوٹیفکیشن کے مطابق کمیٹی کے کنونیئر ایڈیشنل ڈی جی سائبر کرائم ایف آئی اے ہوں گے جبکہ آئی ایس آئی، آئی بی، ڈی جی آئی سی ٹی پولیس اور نمائندہ پی ٹی اے ممبر ہوں گے۔
سپریم کورٹ کے ججوں کے خلاف سوشل میڈیا پر کردار کشی کا نوٹس۔
وفاقی حکومت نے اعلی سطحی جے آی ٹی قائم کردی ۔ pic.twitter.com/ry43pNk5ob— tariq mahmood ch (@tariqchaaj) January 16, 2024
مشترکہ تحقیقاتی ٹیم تعین کرے گی کہ اعلیٰ عدلیہ کے خلاف مہم کے محرکات کیا ہیں۔ اس کے علاوہ عدلیہ مخالف مہم اور ججوں کی ساکھ متاثر کرنے والوں کا بھی تعین کیا جائے گا۔
مشترکہ تحقیقاتی ٹیم کی تحقیقات میں ذمہ دار پائے جانے والوں کو قانون کے کٹہرے میں لاتے ہوئے متعلقہ عدالتوں میں چالان پیش کیے جائیں گے۔
کمیٹی کی جانب سے تجاویز پیش کی جائیں گی کہ مستقبل میں ایسے واقعات کا تدارک کیسے ممکن ہے۔
مزید پڑھیں
واضح رہے کہ سوشل میڈیا پر کچھ عناصر کی جانب سے اعلیٰ عدلیہ کے ججوں کے خلاف مہم چلائی جا رہی ہے۔
اس سے قبل پاکستان بار کونسل، پاکستان بار ایسوسی ایشن سمیت دیگر وکلا تنظیموں کی طرف سے مطالبہ کیا گیا تھا کہ ججوں کے خلاف مہم چلانے والوں کے خلاف کارروائی کی جائے۔
