مسلم لیگ ن کا پارٹی پرچم پھاڑنے والے نوجوان پر مقدمہ درج

اوکاڑہ میں پاکستان مسلم لیگ ن کا پارٹی پرچم مبینہ طور پر چوری کرنے اور پھاڑنے پر ایک نوجوان کے خلاف مقدمہ درج کیا گیا ہے۔

مقدمہ پاکستان مسلم لیگ ن کے کارکن عابد محمود کی جانب سے تھانہ اے ڈویژن اوکاڑہ میں درج کرایا گیا۔

ایف آئی آر کے مطابق ملزم عمار عرف حذیفہ نے 15 جنوری کو مسلم لیگ ن کے جلسے کے روز اپنے ساتھیوں کے ساتھ مل کر مسلم لیگ ن کے جھنڈے کو پھاڑ کر بے حرمتی کی، ملزمان نے جھنڈا پھاڑنے کی ویڈیو بنا کر سوشل میڈیا پر وائرل کی۔

ایف آئی آر کے مطابق، ملزم نے نامعلوم 6 سے 7 افراد کے ساتھ مل کر فلیکسز، بینرز چوری کیے اور پھاڑے، ملزم نے مسلم لیگ ن کے قائدین کو برا بھلا کہا اور سنگین نتائج کی دھمکیاں بھی دیں.

ملزم کے خلاف ایف ائی آر مختلف دفعات کے تحت درج کی گئی ہے اور نقصان کا تخمینہ 75 ہزار روپے لگایا گیا ہے۔