آئی ایم ایف سے قرض کی دوسری قسط ملنے کے علاوہ ملک کو ایک اور معاشی سہارہ مل گیا کیوں کہ متحدہ عرب امارات نے پاکستان کا 2 ارب ڈالرکا قرض رول اوور کردیا ہے۔
اسٹیٹ بینک کے مطابق امارات نے تجدید کرتے ہوئے 2 ارب ڈالرکا قرض ایک سال کے لیے رول اوور کیا ہے۔
مزید پڑھیں
بینک کا کہنا ہےکہ پاکستان کو یہ 2 ارب ڈالر جنوری 2024 میں ادا کرنے تھے تاہم اب اسے ایک سال کی مہلت مل گئی۔
اس قرضے کے حوالے سے نگراں وزیراعظم انوارالحق کاکڑ نے صدر متحدہ عرب امارات کو خط لکھا تھا کیوں کہ مذکورہ قرضہ 23 جنوری کو میچیور ہونے جارہا تھا۔
UAE has confirmed rollover of its two deposits of US$1.0 billion each placed with State Bank of Pakistan for another one year which were maturing in January 2024.#SBP
— SBP (@StateBank_Pak) January 17, 2024
واضح رہے کہ بدھ کا روز معاشی مسائل میں گھرے پاکستان کے لیے ایک اور نوید لے کر آیا کیوں کہ عالمی مالیاتی فنڈ نے پاکستان کے لیے قرضے کی اگلی قسط جاری کردی ہے اس طرح ملک کو 70 کروڑ ڈالر موصول ہوگئے جو بلاشبہ زرمبادلہ کے ذخیرے میں اضافے کا بھی باعث ہوگا۔
آئی ایم ایف کے ایگزیکٹیو بورڈ نے گزشتہ ہفتے اقتصادی جائزے کی منظوری دی تھی۔ اسٹیٹ بینک آف پاکستان کی جانب سے رقم موصول ہونے کی تصدیق کردی گئی ہے۔