نگراں وزیر دفاع لیفٹیننٹ جنرل (ر) انور علی حیدر سے مصر کے سفیر ڈاکٹر ایہاب عبدالحمید حسن نے ملاقات کی۔
ملاقات میں گفتگو کرتے ہوئے وزیر دفاع لیفٹیننٹ جنرل (ر) انور علی حیدرنے کہا کہ پاکستان اور مصر کے درمیان خوشگوار تاریخی اور روایتی تعلقات ہیں۔
مزید پڑھیں
وزیر دفاع نے کہا کہ پاکستان اور مصر کے درمیان فوجی تعلقات قابل ذکر رہے ہیں اور دونوں ممالک کی افواج مل کر دفاعی صنعت میں مشترکہ منصوبوں اور تعاون کے لیے کام کر سکتے ہیں۔
جنرل (ر) انور علی حیدر نے کہا کہ مصر اور پاکستان تمام شعبوں میں ترقی کرنے کی بے پناہ صلاحیت رکھتے ہیں کیونکہ دونوں ممالک کو ایک جیسے چیلنجز کاسامنا ہے اوردونوں کے مشترکہ اسٹریٹجک مفادات ہیں۔ انہوں نے مزید کہا کہ دونوں ہی ممالک امن و ترقی کے لیے یکساں خواہشات رکھتے ہیں۔
مصری سفیر ڈاکٹر ایہاب عبدالحمید حسن نے وزیردفاع کا شکریہ ادا کیا اوردفاع سمیت باہمی دلچسپی کے شعبوں میں تعاون جاری رکھنے کے عزم کا اعادہ کیا۔
