سماجی رابطے کی ویب سائٹس پر سعودی عرب میں ’ٹڈی برگر‘کی خوب دھوم مچی ہوئی ہے ۔ ٹڈی کھانے کے شوقین اسے تیار کرنے کے حوالے سے مختلف طریقے آزما رہے ہیں، جن میں سے ایک طریقہ اسے برگر میں بھی استعمال کرنا بھی شامل ہے۔
عرب ذرائع ابلاغ کے مطابق سعودی عرب میں ’ٹڈی برگر‘ کی ویڈیو کے سوشل میڈیا پر خوب چرچے ہو رہے ہیں۔
قصیم کے ایک باشندے فہدالعنزینز نے کہا نے کہ ٹڈی کی لذیز ڈش پانی میں تیار کی جاتی ہے جس میں پیاز، خوردنی تیل اور اپنی پسند کے مصالحہ جات شامل کیے جاتے ہیں۔ بعض لوگ ٹڈی کی ڈش کے ساتھ سلاد(الخس) بھی استعمال کرتے ہیں۔
انہوں نے کہا کہ کئی لوگ ’ٹڈی برگر‘ بھی بنا رہے ہیں۔ جو برگر کے مشہور (بن) میں ٹڈی، پیاز، کیچپ پر مشتمل ہوتا ہے کئی لوگ اس میں دیگر اشیا بھی شامل کرتے ہیں۔
ان دنوں مدینہ منورہ اور قصیم کے علاقوں میں ٹڈیاں کثرت سے موجود ہیں۔لوگوں کا کہنا ہے ٹڈی سے بنائی گئی اس کی ڈش لذیذ ہوتی ہے۔ ابھی تک سعودی عرب میں ایسے ریستوران نہیں جو ٹڈی سے بنی ڈش پیش کرتے ہوں۔
