آج کرکٹ کے حوالے سے 2 خبریں گردش میں رہیں۔ پہلی سابق کپتان قومی کرکٹ ٹیم شعیب ملک کی شادی اور دوسری سابق کپتان سرفراز احمد کے ملک چھوڑنے کی خبر تھی۔
سرفراز احمد کے ملک چھوڑنے سے متعلق خبر کے حوالے سے ان سے رابطے کی کوشش کی گئی لیکن بات نہیں ہو سکی جس کے بعد پاکستان میں موجود ان کے قریبی خاندانی ذرائع سے رابطہ ہوا۔
مزید پڑھیں
سرافراز احمد کے خاندانی ذرائع کے مطابق برطانیہ میں سرفراز احمد کا سسرال مقیم ہے اور اس وقت وہ اپنے سالے کے پاس گئے ہیں، ذرائع نے بتایا کہ سرفراز احمد ہر سال اہلخانہ کے ہمراہ چھٹیاں گزارنے برطانیہ جاتے ہیں، سرفراز احمد کا بیٹا بھی برطانیہ میں زیر تعلیم ہے۔
ذرائع کے مطابق سرفراز احمد اپنے بیٹے اور سسرال کے ساتھ چھٹیاں گزار کر واپس آئیں گے، پاکستان سے دلبرداشتہ ہو کر جانے سے متعلق خبروں میں کوئی صداقت نہیں ہے اور نا ہی وہ پہلی بار ملک سے باہر گئے ہیں انہیں جب بھی موقع ملتا ہے وہ اہلخانہ کے ہمراہ برطانیہ ضرور جاتے ہیں۔
