لاہور پولیس کی جانب سے عام انتخابات 2024ء کے پرامن انعقاد کے لیے انٹیلیجنس بنیادوں پر سرچ آپریشنز کا سلسلہ جاری ہے، لاہور پولیس نے رواں ماہ میں اب تک322سرچ آپریشنز کیے ہیں، 9 اشہاری مجرمان گرفتار، ناجائز اسلحہ کے 16 مقدمات درج کرلیے گئے ہیں۔
؎
سی سی پی او لاہور بلال صدیق کمیانہ کے مطابق لاہور پولیس نے عام انتخابات 2024ء کے پرامن انعقاد کے لیے انٹیلی جنس بنیادوں پر سرچ آپریشنز کے دوران دوران8850 گھروں،4099 کرایہ داروں جبکہ 30706 اشخاص کو چیک کیا گیا ہے۔
دوران سرچ آپر یشنز کرایہ داری ایکٹ کے تحت61 اشخاص کے خلاف کارروائی کی گئی اور 9 اشتہاری مجرمان گرفتار جبکہ ناجائزاسلحہ کے16مقدمات درج کیے گئے ہیں۔
سی سی پی لاہور نے عام انتخابات کے پیش نظرشہر بھرمیں جاری سرچ آپریشنزمیں تیزی لانے کی ہدایت کی ہے، دفعہ 144کے تحت ہوائی فائرنگ، اسلحہ کی نمائش اور لاؤڈ سپیکر کے استعمال پر پابندی پر عملدرآمد یقینی بنایا جائے گا۔
بلال صدیق کمیانہ کا کہنا ہے کہ کسی کو قانون ہاتھ میں لینے کی ہر گز اجازت نہیں، شہریوں کا تحفظ ہر حال میں یقینی بنائیں گے، شرپسند و سماج دشمن عناصر اور انکے سہولت کاروں کے خلاف سخت سے سخت کارروائی عمل میں لائی جائے گی۔
