بھارتی ٹینس اسٹار اور سابق پاکستانی کپتان شعیب ملک کی اہلیہ ثانیہ مرزا نےطلاق کے بعد اپنی پہلی تصویر سماجی رابطے کی ویب سائٹ انسٹاگرام پر شیئر کر دی۔
ان کی تصویر دیکھتے ہی دیکھتے وائرل ہو گئی، تصویر میں ثانیہ مرزا شیشے کے سامنے کھڑی ہیں اور کیپشن میں لکھتی ہیں ’عکس‘
ثانیہ مرزا کے چاہنے والوں کو طلاق کے بعد ان کے کسی رد عمل یا تصویر کا شدت سے انتظار تھا شاید یہی وجہ رہی کہ منٹوں میں لاکھوں لوگوں نے ان کی تصویر کا لائک کیا اور اپنے جذبات کا اظہار کیا۔
View this post on Instagram
تصاویر اور ویڈیو شیئرنگ پلیٹ فارم انسٹاگرام پر ثانیہ مرزا کی تصویر پر تبصرہ کرتے ہوئے عائشویر نامی صارف نے لکھا کہ ’ اگر وفاداری کا کوئی چہرہ ہوتا‘
گوہر ہراج نے لکھا کہ ’عکس دو چیزیں بیان کرتا ہے ایک کلاس اور دوسری عزت‘
مانو بلی نے تبصرہ کرتے ہوئے لکھا کہ ’ہر شخص نہیں ہوتا ہر شخص کے قابل، ہر شخص کو اپنے لیے سوچا نہیں کرتے‘۔
یاد رہے کہ ثانیہ مرزا اور شعیب ملک کی چند ماہ پہلے علیحدگی ہو چکی تھی اور شعیب ملک نے پاکستانی اداکارہ ثنا جاوید سے شادی کر لی تھی۔
