بھارتی ٹینس اسٹار اور پاکستانی کرکٹر شعیب ملک کی سابق اہلیہ ثانیہ مرزا نے خلع لینے کے بعد پہلی مرتبہ اپنی کوئی تصویر سوشل میڈیا سائٹ پر لگائی ہے۔ انہوں نے اپنی ایک سادہ مگر دلکش تصویر اپنے انسٹاگرام پر لگائی ہے جسے ان کے پرستاروں کی ایک بڑی تعداد نے سراہا ہے۔
واضح رہے کہ حال ہی میں ثانیہ مرزا کے والد عمران مرزا نے بھارتی میڈیا کے ذریعے تصدیق کی کہ ان کی بیٹی نے شعیب ملک سے خلع لے لی ہے۔ اس کے بعد ان کے خاندان نے اس معاملے پر ایک باضابطہ بیان بھی جاری کیا تھا جس میں اس بات کی تصدیق کی گئی کہ دونوں نے کئی مہینوں قبل اپنی راہیں جدا کرلی تھیں۔
ثانیہ اور شعیب کی شادی 2010 میں ہوئی تھی اور دونوں کا ایک بیٹا اذہان مرزا ملک ہے۔
اکتوبر 2022 میں ثانیہ مرزا کے ساتھ زندگی اور ان کی شادی کے بعد آنے والے مشکل حالات کے بارے میں تفصیل سے بات کی۔
کچھ عرصہ قبل ثانیہ مرزا نے اکتوبر 2022 میں اپنے ایک انٹرویو میں اپنی شادی شدہ زندگی میں درپیش مشکلات کا تذکرہ کیا تھا۔
انٹرویو میں ان کا کہنا تھا کہ ہمیں بڑا عجیب لگا کہ ہماری شادی بہت سارے لوگوں کی زندگیوں کو متاثر کررہی ہے تو وہ مشکل فیصلہ کیا۔ ان کا مزید کہنا تھا کہ انہیں شعیب ملک کی اچھی باتیں بری سے زیادہ یاد ہیں۔
یاد رہے کہ شعیب ملک اور اداکارہ ثنا جاوید نے 20 جنوری کو اپنی شادی کا اعلان کرتے ہوئے اپنے مداحوں کو چونکا دیا۔ جوڑے نے اپنی شادی کی تصاویر اپنے سوشل میڈیا اکاؤنٹس ایکس اور انسٹاگرام پر پوسٹ کیں۔