بھارتی ٹینس اسٹار ثانیہ مرزا نے بھارت کے یوم جمہوریہ کے موقع پر اپنے پیغام میں کہا ہے کہ اپنی قوم کی نمائندگی کرنے پر ہمیشہ فخر رہے گا۔
سوشل میڈیا پلیٹ فارم ایکس پر انہوں نے اپنی ایک پرانی تصویر شیئر کی ہے، تصویر میں انہوں نے بھارت کا ترنگا اٹھایا ہوا ہے، اور اس کے کیپشن لکھا کہ قوم کی نمائندگی کرنے پر انہیں ہمیشہ فخر رہے گا۔
Always an honour to represent our nation 🇮🇳#HappyRepublicDay ✨ pic.twitter.com/KGGpEySkqA
— Sania Mirza (@MirzaSania) January 26, 2024
صارفین نے ان کی اس پوسٹ کو ناصرف سراہا بلکہ انہیں حوصلہ بھی دیا کہ اور یہ پیغام بھی پہنچایا کہ وہ بھارت کا سرمایہ ہے اور بھارتیوں کو ان پر فخر ہے۔
واضح رہے کہ بھارتی ٹینس اسٹار ثانیہ مرزا شعیب ملک سے علیحدگی کے بعد ایک مرتبہ پھر سوشل میڈیا پر متحرک ہوچکی ہیں اور گزشتہ روز انہوں نے انسٹاگرام پر بھی اپنی تصویر شیئر کی تھی۔
ثانیہ مرزا کے چاہنے والوں کو طلاق کے بعد ان کے کسی ردِعمل یا تصویر کا شدت سے انتظار تھا شاید یہی وجہ رہی کہ منٹوں میں لاکھوں لوگوں نے ان کی تصویر کو لائک کیا اور اپنے جذبات کا اظہار کیا۔
دوسری طرف یہ خبریں بھی گردش کررہی ہیں کہ شعیب ملک اور ثنا جاوید کی شادی کے بعد ثانیہ مرزا اور عمیر جسوال کے مابین بھی رابطہ ہوا ہے مگر دونوں کے درمیان کیا گفتگو ہوئی ہے اس بارے میں مکمل خاموشی ہے۔