الیکشن کمیشن آف پاکستان نے الیکشن مینجمنٹ سسٹم (EMS) کے استعمال کی تجرباتی مشق (mock exercise) کی جو کامیاب رہی، اور اس کے مفید اور حوصلہ افزا نتائج سامنے آئے۔
Related Posts
ترجمان الیکشن کمیشن کے مطابق ملک بھر میں 859 مقامات پر قائم ریٹرننگ افسران کے دفاتر اِس تجرباتی مشق میں شریک ہوئے جس کے دوران فائبر/ڈی ایس ایل کنیکٹوٹی، ای ایم ایس ایپ لاگ ان(log-in)، استعمال اور نتائج کی ترسیل و تدوین کے مراحل کی مکمل مشق کی گئی اور اس میں ای ایم ایس کے ذریعے کامیابی سے پریذائیڈنگ آفیسرز کی جانب سے نتائج کی ترسیل اور ریٹرننگ آفیسرز کی جانب سے نتائج کی تدوین مکمل کی گئی۔
EMSکا بنیادی مقصد
یہاں یہ امر قابل ذکر ہے کہ EMS کا بنیادی مقصد آر او کی سطح پر نتائج کی تدوین و ترتیب (compilation and tabulation) ہے۔اس مشق کے دوران تمام آر اوز نے مکمل کامیابی کے ساتھ نتائج کی تدوین و ترتیب مکمل کی اور اس میں کسی قسم کی کوئی دقت نہیں ہوئی۔
چند مقامات پر کنیکٹیوٹی کی دشواری
ترجمان نے بتایا کہ مجموعی طور پر پریذائیڈنگ آفیسرز کی جانب سے نتائج کی ترسیل بھی تسلی بخش رہی تاہم مشق کے دوران چند مقامات پر کنیکٹیوٹی کی دشواری کے باعث کچھ پریذائیڈنگ آفیسرز کو نتائج کی ترسیل میں معمولی چیلنجز بھی سامنے آئے جنہیں فوری طور پر دور کیا جا رہا ہے۔
یہاں یہ امر قابل ذکر ہے کہ اگر کسی پریذائیڈنگ آفیسر کو اپنے موبائل فون کے ذریعے نتائج کی آر او تک ترسیل میں کوئی دشواری ہو تو وہ پریذائیڈنگ آفیسر انتخابی نتیجہ ذاتی طور پر آر او کے دفتر پہنچائے گا۔