پاکستان نے رواں مالی سال 24-2023 کے پہلے 5 ماہ کے دوران مختلف ممالک کو مختلف انفارمیشن ٹیکنالوجی (آئی ٹی) خدمات فراہم کرکے ایک ہزار 151 اعشاریہ 956 ملین امریکی ڈالر کمائے۔
پاکستان بیورو آف اسٹیٹسٹکس (پی بی ایس) کی رپورٹ کے مطابق گزشتہ مالی سال 23-2022 کے انہی مہینوں کے دوران خدمات کی فراہمی کے ذریعے کمائے گئے ایک ہزار 87 اعشاریہ 929 ملین امریکی ڈالر کے مقابلے میں یہ 5.89 فیصد اضافہ کو ظاہر کرتا ہے۔
مزید پڑھیں
زیر جائزہ مہینوں کے دوران کمپیوٹر سروسز کی برآمدات میں 8.17 فیصد اضافہ ہوا کیونکہ یہ گزشتہ سال 864.429 ملین امریکی ڈالر سے بڑھ کر جولائی تا نومبر 2023 کے دوران 935.016 ملین امریکی ڈالر تک پہنچ گئیں۔
کمپیوٹر سروسز میں سے سافٹ ویئر کنسلٹنسی سروسز کی برآمدات میں 46.67 فیصد کا اضافہ دیکھا گیا، جو اس سال 1.710 ملین امریکی ڈالر سے 2.508 ملین امریکی ڈالر تک پہنچ گئیں جبکہ ہارڈویئر کنسلٹنسی سروسز کی برآمدات میں بھی 4.15 فیصد کا اضافہ ہوا۔ جو کہ 318.041 ملین امریکی ڈالر سے بڑھ کر 331.231 ڈالر تک پہنچ گئیں۔
تاہم مرمت اور دیکھ بھال کی خدمات کی برآمدات 40.74 فیصد کم ہو کر 1.485 ملین امریکی ڈالر سے 0.880 ملین امریکی ڈالر رہ گئیں جبکہ کمپیوٹر سافٹ ویئر سروسز کی برآمدات اور درآمدات 4.05 فیصد بڑھ کر 239.473 ملین ڈالر سے 249.179 ملین ڈالر ہو گئیں۔
یہ بھی پڑھیں آئی ٹی صنعت کے لیے حکومت کے پالیسی اقدامات مثبت نتائج دکھا رہے ہیں، عمر سیف
دریں اثنا زیر جائزہ مہینوں کے دوران معلوماتی خدمات کی برآمد 22.91 فیصد کم ہو کر 1.790 ملین امریکی ڈالر سے 1.380 ملین امریکی ڈالر رہ گئی۔
اسی طرح انفارمیشن سروسز میں انفارمیشن سے متعلق خدمات کی برآمدات میں 12.37 فیصد اضافہ ہوا جو کہ 0.485 ملین امریکی ڈالر سے بڑھ کر 0.545 ملین امریکی ڈالر تک پہنچ گیا۔
ٹیلی کمیونیکیشن سروسز کی برآمدات میں 2.77 فیصد کی کمی واقع ہوئی کیونکہ یہ 221.710 ملین امریکی ڈالر سے کم ہو کر 215.560 ملین امریکی ڈالر رہ گئیں۔
یہ بھی پڑھیں آئی ٹی طلبا و طالبات کے لیے بڑی خوشخبری، مفت انٹرن شپ اور ملازمت کیسے ملے گی؟
ٹیلی کمیونیکیشن سروسز میں کال سینٹرز کی خدمات کی برآمدات میں 11.11 فیصد اضافہ ہوا کیونکہ اس کی برآمدات 87.327 ملین امریکی ڈالر سے بڑھ کر 97.026 ملین امریکی ڈالر تک پہنچ گئی ہیں جبکہ دیگر ٹیلی کمیونیکیشن سروسز کی برآمدات میں 134.383 ملین امریکی ڈالر سے 11.798 فیصد کی کمی واقع ہوئی ہے۔
