وزیراعظم انوار الحق کاکڑ نے وفاقی وزرا، مشیروں، معاونین خصوصی اور وفاقی اداروں کے افسران کو بیرون ملک سرکاری و نجی دوروں کی دی گئی اجازت واپس لے لی۔
وزیر اعظم نے ہدایت کی ہے کہ انتخابات کا عمل مکمل ہونے تک کسی کو بھی غیر ملکی دورے کے لیے ’ایکس پاکستان لیو‘ نہ دی جائے۔
کابینہ ڈویژن سے پیر کو جاری ہونے والے نوٹیفکیشن کے مطابق وزیراعظم نے وفاقی وزرا، مشیروں، معاونین خصوصی ، وفاقی اداروں بشمول ماتحت اداورں ، خودمختار اداروں کے افسران کو دی گئی غیر ملکی سرکاری یا نجی دوروں کی اجازت واپس لے لی گئی ہے۔ وفاقی سیکریٹریز کو کہا گیا ہے کہ وہ ان ہدایات کی تعمیل کو یقینی بنائیں۔
