یوں تو پاکستانی سموسے پورے ملک کے عوام میں بیحد مقبول ہیں جنہیں ہر کوئی شوق سے کھاتا ہے مگر جرمن شہری بھی پاکستانی سموسے کے دیوانے نکلے۔
جرمنی سے تعلق رکھنے والے 30 سالہ جوناس پیشے کے اعتبار سے کسان ہیں۔ ان کے مطابق انہیں شروع سے ہی دنیا کے ممالک اور ثقافتوں کو دیکھنے کا بیحد شوق تھا۔
دنیا گھومنے کے شوق میں 6 ماہ قبل انہوں نے اپنی نوکری کو خیرباد کہہ دیا اور اور اپنی موٹرسائیکل پر سوار ہوکر مختلف ممالک کی سیر کرتے پاکستان پہنچ گئے۔
جوناس کی دوست ایوا بھی ان کے ہمراہ ہیں۔ وہ کہتی ہیں کہ پاکستانی ثقافت اور تاریخ بہت پرانی اور دلچسپ ہے۔ مسالے دار ہونے کے باوجود انہیں پاکستانی کھانے بہت پسند آئے۔
ایوا کے مطابق پاکستان کی سیکیورٹی صورتحال اب ایسی بھی خراب نہیں جتنا اسے دکھایا جاتا ہے۔
پاکستان گھومنے آئے جرمن سیاحوں کے بارے میں مزید جانیں وی نیوز کی اس ویڈیو رپورٹ میں۔
