خیبرپختونخوا میں بارشیں اور بالائی اضلاع میں برفباری، ضلعی انتطامیہ کو الرٹ کر دیا گیا

خیبرپختونخوا میں بارشوں اور بالائی اضلاع میں برفباری کاسلسلہ جاری رہنے کا امکان ہے۔ اس حوالے سے ڈی جی، پی ڈی ایم اے محمد قیصر خان نے تمام ضلعی انتظامیہ کو الرٹ رہنے کے لیے نیا مراسلہ جاری کیا ہے۔

ڈی جی، پی ڈی ایم اے  کی جانب سے بارشوں اور برفباری کے پیش نظر ضلعی انتظامیہ کو پیشگی اقدامات اٹھانے اور چھوٹی بھاری مشینری کی دستیابی یقینی بنانے کی ہدایتکی گئی ہے۔

مراسلے کت مطابق حساس بالائی علاقوں میں سیاحوں اور مقامی آبادی کو موسمی حالات سے باخبر رہنے اور  احتیاتی تدابیر کی ہدایت ضلعی انتظامیہ کو پابند کیا گیا ہے کہ حساس اضلاع میں مقامی آبادی  تک پیغامات مقامی زبانوں میں پہنچائے جائیں

ڈی جی، پی ڈی ایم اے نے متعلقہ انتطامیہ کو یہ  بھی ہدایت کی ہے کہ وہ کسی بھی ہنگامی صورتحال میں تمام متعلقہ ادارے روڈ لنکس کی بحالی میں چوکس رہیں اورسڑک کی بندش  کی صورت میں ٹریفک کے لئے متبادل راستے فراہم  کئے جائیں۔ نیز حساس علاقوں میں صوبائی اور قومی شاہراہوں پرمسافروں کو پیشگی خبردار کیا جائے۔ اس دوران ہنگامی خدمات کے اہلکاروں کی دستیابی یقینی بنائیں۔سیاحوں کو موسمی صورت حال سے آگاہ کیاجائے۔

مراسلے کے مطابق بارشوں اور برفباری کا سلسلہ 4 فروری تک وقفے وقفے سے جاری رہنے کا امکان۔ سیاح دوران سفر خصوصی احتیاطی تدابیر اختیار کریں۔