پشاور ہائیکورٹ نے خواجہ سرا کے لیے الیکشن میں مخصوص کوٹے کے لیے دائر کی گئی درخواست پر تحریری فیصلہ جاری کردیا۔
فیصلے میں کہا گیا کہ خواجہ سراؤں کے لیے مخصوص سیٹ نہ ہونے پر ریٹرنگ افسر نے کاغذت مسترد کیے تھے اور ریٹرننگ افسر نے پی کے 81 پر جنرل سیٹ کے لیے ان کے کاغذات منظور کیے۔
مزید پڑھیں
عدالت نے حکم دیا کہ ریٹرننگ افسر خواجہ سراؤں کے لیے پولنگ اسٹیشن میں علیحدہ قطار بنائے تاکہ وہ اپنے پسند کے امیدوار کو ووٹ دے سکیں۔
عدالت نے درخواست گزار خواجہ سرا امیدوار ثوبیہ خان کا کیس نمٹا دیا اور انہیں سیکیورٹی فراہم فراہم کرنے کا حکم جاری کیا۔ ثوبیہ خان نے پی کے 81 سے آزاد امیدوار ہیں۔
واضح رہے کہ ثوبیہ خان براڈ لاسٹر ہیں اور وہ کے پی 81 حلقے سے جنرل نشست پر الیکشن لڑرہی ہیں۔ ان کا کہنا تھا کہ خواجہ سراؤں کو آگے آنے کا موقع نہیں ملا ہے اور اگر انہیں سیاست میں آگے آنے کا موقع ملا تو وہ ثابت کر کے دکھا سکتی ہیں کہ خواجہ سرِا بھی کسی سے کم نہیں۔
