پاکستان تحریک انصاف کے بانی عمران خان اور بشریٰ بی بی کی 2018 میں شادی کی خبر دینے والے صحافی عمر چیمہ نے کہا ہے کہ انہیں ایک سچی خبر پر پی ٹی آئی اور حامیوں کی جانب سے بہت تنقید کا سامنا کرنا پڑا مگر صحافتی تقاضے پورے کرنے کی وجہ سے وہ سرخرو ہوئے۔
وی نیوز کے ساتھ ایک انٹرویو میں انہوں نے عمران خان کی شادی کی خبر کی تصدیق کے مراحل کے حوالے سے تفصیلات بتائیں۔
ایک سوال کے جواب میں ان کا کہنا تھا کہ عدت کی خبر کرنے پر انہیں کوئی پچھتاوا نہیں کیونکہ سیاستدان کی ذاتی زندگی بھی عوامی دلچسپی کی حامل ہوتی ہے، اگر سیاستدان خود اپنی عبادت اور ذاتی زندگی کی دیگر تفصیلات میں عوام کو شریک بنا سکتا ہے تو اسے صحافیوں کے خبر دینے کے حوالے سے بھی اعتراض نہیں کرنا چاہیے۔
