اسلام آباد پولیس نے 8 فروری کو عام انتخابات 2024 کے روز تمام حساس پولنگ اسٹیشنز پر سی سی ٹی وی کیمرے نصب کرنے کا فیصلہ کیا ہے۔
ترجمان اسلام آباد پولیس کے مطابق انسپکٹر جنرل پولیس (آئی جی پی) ڈاکٹر اکبر ناصر خان کی زیرصدارت عام انتخابات 2024 کے دوران سیکیورٹی کے حوالے سے اہم اجلاس ہوا ہے۔
آئی سی سی پی او ڈاکٹر اکبر ناصر خاں کی زیر صدارت عام انتخابات 2024سکیورٹی کے حوالے سے اہم اجلاس۔
اجلاس میں تمام سی پی اوز، ایس ایس پی، ڈی پی اوز، ایس پیز، ایس ڈی پی اوز، افسران مہتمم تھانہ جات، ایڈمن افسران نے شرکت کی۔آئی سی سی پی او ڈاکٹر اکبر ناصر خاں نے تمام افسران سے خطاب… pic.twitter.com/MQmhAz41e5
— Islamabad Police (@ICT_Police) February 5, 2024
اجلاس میں تمام سی پی اوز، ایس ایس پی، ڈی پی اوز، ایس پیز، ایس ڈی پی اوز، افسران مہتمم تھانہ جات، ایڈمن افسران نے شرکت کی۔
مزید پڑھیں
اجلاس میں عام انتخابات 2024 سے قبل، دوران انتخابات اور بعد از انتخابات سیکیورٹی امور پر آئی جی کو بریف کیا گیا۔
ترجمان نے بتایا کہ شہریوں کی حفاظت اور پُرامن انتخابات اسلام آباد پولیس کی اولین ترجیح ہوگی۔ انتخابات کے حوالے سے مرکزی کنٹرول روم سیف سٹی میں قائم کیا جائے گا۔
الیکشن کمیشن کی طرف سے جاری ضابطہ اخلاق پر عمل کرانے کا فیصلہ
اجلاس میں فیصلہ کیا گیا کہ الیکشن کمیشن کی طرف سے جاری کردہ ضابطہ کار کو یقینی بنایا جائے گا اور کسی بھی صورت خلاف ورزی کی اجازت نہیں دی جائے گی۔ اسلحہ کی نمائش، ہوائی فائرنگ اور ہلڑ بازی کرنے والوں کے خلاف قانونی کارروائی عمل میں لائی جائے گی۔
اجلاس میں فیصلہ کیا گیا ہے کہ ٹریفک کے نظم و ضبط اور پارکنگ کے مناسب اقدامات عمل میں لائے جائیں گے۔ انتخابات کی کوریج کرنے والے صحافیوں اور غیرملکی مبصرین اور مشاہداتی ٹیموں کو ان کے فرائض کی انجام دہی میں مدد فراہم کی جائے گی۔
ترجمان کے مطابق انتخابات قومی فریضہ ہیں۔ پولیس بہادری اور خوش اخلاقی سے اپنا کام کرے گی۔ عوام کسی بھی غیر معمولی سرگرمی کی اطلاع پکار 15 یا آئی سی ٹی 15 ایپ پر دیں۔