پاکستان میں کرکٹ کا سب سے بڑا میلہ سجنے میں 4 دن باقی ہیں، پاکستان سپر لیگ (پی ایس ایل) کی ٹرافی کی رونمائی کی تقریب آج پولو کرکٹ گراونڈ لاہور میں منعقد ہوئی جس میں تمام ٹیموں کے کپتانوں نے شرکت کی۔
تقریب کے اختتام پر ٹرافی کے ہمراہ تمام کپتانوں کا میڈیا کے ساتھ ایک سیشن ہوا جس میں کپتانوں نے کھل کر گپ شپ کی اس سیشن کی ایک ویڈیو سوشل میڈیا پر وائرل ہو رہی ہے جس میں ملتان سلطانز کے کپتان محمد رضوان بابر اعظم سے ان کی شادی سے متعلق سوال پوچھ رہے ہیں ۔
سوشل میڈیا پر وائرل ویڈیو میں دیکھا جا سکتا ہے کہ محمد رضوان بابراعظم سے سوال پوچھتے ہیں کہ آپ کی شادی کب ہو رہی ہے جس کے جواب میں بابراعظم نے کہا کہ آپ کو میں اکیلے میں بتاؤں گا۔
دونوں قومی کرکٹرز کی گفتگو میں اینکر زینب عباس بھی شامل ہوئی اور انہوں نے کہاں کہ آج کل بہت شادیاں ہو رہی ہیں آپ کے ارد گرد جتنے بیٹھے ہیں سب شادی شدہ ہیں جس پر بابراعظم نے کہا کہ سب کی ہوگئی ہیں لیکن شکلیں بھی دیکھ لیں سب کی۔
Zainab Abbas: Shadi Karachi se he hai phir ?
Salman Naseer if I am not wrong: ” Ye sahi Pohnchi hain ”
Big hint this pic.twitter.com/TMgQU2YABJ
— ٰImran Siddique (@imransiddique89) February 13, 2024
اس کے بعد اینکر زینب عباس نے سلمان نصیر کی طرف اشارہ کرتے ہوئے کہا کہ وہ پوچھ رہے ہیں بھابھی کراچی سے ہوں گی جس پر سلمان نصیر نے کہا کہ صحیح پہنچی ہیں آپ لیکن بابر اعظم نے اس بات پر مکمل خاموشی اختیار کی ۔
