شمالی کوریا نے بدھ کو مشرقی ساحل سے متعدد کروز میزائل فائر کیے ہیں۔
بین الاقوامی میڈیا کے مطابق جنوبی کوریا کے جوائنٹ چیفس آف اسٹاف نےبیان میں کہا ہے کہ شمالی کوریا نے بدھ کی صبح 9 بجے کے قریب وونسن شہر کے شمال مشرق میں سمندر میں متعدد نامعلوم کروز میزائل لانچ کیے ہیں۔
جنوبی کوریا کے فوجی حکام کے مطابق ہماری فوج اور امریکی انٹیلی جنس حکام اس کا تفصیلی تجزیہ کر رہے ہیں۔
Related Posts
- شمالی کوریا کو ایٹمی اور میزائل پروگرام سے محروم کرنے کاامریکی فیصلہ، جاپان اور جنوبی کوریا کی تائید
بیان میں مزید کہا گیا کہ فوج نگرانی اور مانیٹرنگ کو مضبوط بنا رہی ہے، اور شمالی کوریا کی طرف سے کسی بھی اضافی سرگرمیوں پر گہری نظر رکھے ہوئے ہے۔
واضح رہے کہ شمالی کوریا نے رواں ہفتے کے آغاز میں اعلان کیا تھا کہ اس نے ایک سے زیادہ راکٹ لانچر کے لیے ایک نئے کنٹرول سسٹم کا تجربہ کیا ہے جس کا مقصد جنگی میدان میں اپنی دفاعی صلاحیتوں میں اضافہ کرنا ہے۔
