ملک میں عام انتخابات کے بعد اب کرکٹ کا میدان سجایا جا رہا ہے۔ اس حوالے سے لاہور میں پاکستان سپر لیگ کے 9ویں ایڈیشن کی تیاریاں عروج پر ہیں اور غیرملکی کھلاڑیوں کے پاکستان پہنچنے کا سلسلہ بھی شروع ہوچکا ہے۔
پاکستان سپر لیگ (پی ایس ایل) انتظامیہ نے ایونٹ کی افتتاحی تقریب کا اعلان بھی کر دیا ہے جس میں ملک کے نامور گلوکار اپنی آواز کا جادو جگائیں گے۔
مزید پڑھیں
سماجی رابطے کی ویب سائٹ ’ایکس‘ پر ایک پوسٹ میں پی ایس ایل انتظامیہ نے اعلان کیا کہ پی ایس ایل کے نویں ایڈیشن کی افتتاحی تقریب کا انعقاد قذافی اسٹیڈیم لاہور میں 17 فروری کو شام 6 بجے کیا جائے گا جس میں ملک کے نامور گلوکار عارف لوہار، نوری، علی ظفر اور آئمہ بیگ پرفارم کریں گی۔
پی ایس ایل انتظامیہ نے افتتاحی تقریب میں کرکٹ فینز کے لیے آتش بازی اور لیزر شو کا اہتمام بھی کیا ہے۔
Join us for the spectacular ✨ Grand Opening ✨ of #HBLPSL9 at Lahore Gaddafi Stadium! 🏟️🏏
🎤 Be captivated by electrifying performances from Ali Zafar, Aima Baig, Arif Lohar, and Noori – it's a night to remember!
🎆 Get ready for fireworks and a mesmerizing laser show!
— PakistanSuperLeague (@thePSLt20) February 15, 2024
واضح رہے کہ کل سے شروع ہونے والے پی ایس ایل سیزن 9 کے افتتاحی میچ 2 مرتبہ کی چیمپئن لاہور قلندرز اور اسلام آباد یونائیٹڈ آمنے سامنے ہوں گی۔
یادرہے کہ پی ایس ایل سیزن 9 کا ترانہ ریلیز کر دیا گیا ہے جو کہ شائقین کرکٹ کی توجہ کا مرکز بنا ہواہے، یہ ترانہ علی ظفر اور آئمہ بیگ نے گایا ہے۔
