فلسطینی نژاد امریکی سپر ماڈل بیلا حدید نے سوشل میڈیا پر فلسطینیوں کے حق میں ایک بار پھر پوسٹ کی ہے جسے 18 لاکھ افراد نے پسند کیا ہے۔
سپر ماڈل بیلا حدید فلسطین سے تعلق رکھنے اور ’آزاد فلسطین‘ مہم میں شرکت کی وجہ سے دنیا بھر میں مقبول ہیں۔ حال ہی میں انہوں نے سوشل میڈیا پلیٹ فارم ’انسٹا گرام‘ پر ویلنٹائن ڈے پر مبنی کیپشن کے ساتھ دل کی شکل والی کینڈی کی ایک تصویر شیئر کی ہے۔
مزید پڑھیں
امریکی ماڈل نے اپنی پوسٹ میں ویلنٹائن ڈے کے روایتی پیغام کے بجائے لکھا، ’کیا تم میرے فلسطین کو آزار کرو گے‘۔ انہوں نے اس فوٹو کے لیے ’فری فلسطین‘، ’فری غزہ‘، ’رفح‘ اور ’سیزفائر ناؤ‘ کے ہیش ٹیگز کا بھی استعمال کیا ہے۔
امریکی ماڈل بیلا حدید کی اس پوسٹ کو 18 لاکھ لوگوں نے پسند کیا ہے اور بیشتر صارفین نے غزہ میں جنگ بندی کی حمایت کرنے پر انہیں سراہا ہے۔
واضح رہے کہ بیلا حدید امریکا میں پیدا ہوئیں۔ ان کے والد محمد حدید فلسطینی تھے جو کئی دہائیاں قبل امریکا منتقل ہوگئے تھے۔ بیلا اور ان کی بہن جی جی حدید کا شمار دنیا کی نامور ترین ماڈلز میں ہوتا ہے۔ یہ دونوں بہنیں اکثر ہی فلسطین کی آزادی کی حمایت کا اظہار کرتی نظر آتی ہیں۔