مقبول بالی وڈ اداکارہ راکھی ساونت نے دورہ پاکستان اور چیئرمین تحریک انصاف عمران ملاقات کرنے کی خواہش کا اظہار کیا ہے۔
دبئی میں اپنے نیا گانا ریلیز کرنے کی تقریب میں گفتگو کرتے ہوئے بالی وڈ اداکارہ راکھی ساونت نے چیئرمین تحریک انصاف عمران خان کے جیل میں قید ہونے پر افسوس کا اظہار کیا اور کہا پاکستان کے عوام چاہتے ہیں کہ عمران خان دوبارہ وزیر اعظم کا کردار سنبھالیں۔
راکھی ساونت نے کہا کہ عمران خان کی گرفتاری کی خبر چونکا دینے والی تھی، مجھے یقین ہے کہ پاکستان کے لوگ عمران خان کی اپنے لیڈر کے طور پر واپسی چاہتے ہیں، میں دل سے چاہتی ہوں کہ عمران خان کی جیت ہو اور مجھے یقین ہے کہ وہ کامیاب ہوجائیں گے۔
مزید پڑھیں
پی ٹی آئی میں شمولیت اختیار کر رہی ہوں اور پاکستان سے الیکشن لڑوں گی، راکھی ساونت
بھارتی اداکارہ نے مزاحیہ انداز میں کہا کہ میں پاکستان تحریک انصاف میں شمولیت اختیار کررہی ہوں اور پاکستان سے الیکشن لڑوں گی۔
انہوں نے مزید کہا کہ جیت صرف عمران خان اور پی ٹی آئی کی ہوگی کیونکہ پاکستانی عوام اُن کے ساتھ ہے، عوام کی طاقت کے سامنے کوئی نہیں ٹِک سکتا۔
اداکارہ نے اپنا تازہ ترین گانا ‘بے بی ڈرامہ کوئین’ پی ٹی آئی کے بانی عمران خان کے نام کیا ہے اور تحریک انصاف اور عمران خان کے ساتھ یکجہتی کا اظہار کیا ہے۔ انہوں نے کہا ’یہ گانا عمران خان اور ان تمام لوگوں کے لیے ہے جو سچائی اور انصاف کے لیے کھڑے ہیں۔‘
راکھی ساونت نے عمران خان کے جیل سے رہائی کے بعد پاکستان کا دورہ کرنے اور عمران خان سے ملاقات کا ارادہ بھی ظاہر کیا ہے۔
انہوں نے کہا کہ ‘میں ان کے رہا ہونے کے بعد ان سے ملنے کے لیے پاکستان جاؤں گی، میں ذاتی طور پر ان کو مبارکباد دینے جاؤں گی، اگر عمران خان کے ووٹرز نے اُنہیں کامیابی دلوا دی تو میں دوبارہ عُمرہ کرنے جاؤں گی اور اُن کے لیے دُعا کروں گی۔