معروف پاکستانی اداکار و ہدایتکار یاسر حسین نے کہا ہے کہ نہیں چاہتا میرا بیٹا اداکاری میں آئے، کیونکہ ہماری انڈسٹری اچھی نہیں ہے۔
اپنے ایک انٹرویو میں یاسر حسین نے کہاکہ ہماری انڈسٹری میں اداکار کو مسلسل برا کام ہی آفر ہو رہا ہے، کیا یہ بھی کوئی کام ہے۔
مزید پڑھیں
یاسر حسین نے پاکستان ٹیلی ویژن انڈسٹری کے لیے ناپسندیدگی کا اظہار کیا ہے۔
یاسر حسین نے کہاکہ اگر میرا بیٹا انڈسٹری میں آ ہی گیا تو روکوں گا نہیں، مگر میرا دل اس کے لیے مان نہیں رہا ہے کہ اداکاری کرے۔
ایک سوال کے جواب میں انہوں نے کہاکہ بھارت کے پاس گھٹیا معیار کے ڈرامے ہیں اس لیے وہاں پر پاکستانی ڈرامے مقبول ہیں، مگر ہمارے ڈراموں کو پوری دنیا میں مقبولیت حاصل نہیں ہے۔
انہوں نے مزید کہاکہ ہمارے ڈرامے ایران اور کوریا میں کوئی نہیں دیکھتا، صرف انگلینڈ اور امریکا میں وہ لوگ پاکستانی ڈرامے دیکھتے ہیں جنہوں نے اپنی بچوں کو اردو سکھانی ہے۔