پاکستان ٹیلی وژن ڈراموں کی معروف اداکارہ ثنا جاوید اتوار کو پی ایس 9 میں ملتان سلطانز اور کراچی کنگز کے درمیان میچ میں نظر آئیں۔ ملتان اسٹیڈیم میں کھیلے گئے اس میچ میں وہ اپنے شوہر اور کراچی کنگز کے کھلاڑی شعیب ملک کی حوصلہ افزائی کے لیے موجود تھیں۔
میڈیا رپورٹس کے مطابق، ثنا جاوید جب میچ دیکھنے کے لیے اسٹیڈیم میں پہنچیں تو انہیں شرمندہ کرنے کے لیے گراؤنڈ میں موجود چند تماشائیوں نے شعیب ملک کی سابقہ اہلیہ اور بھارتی ٹینس اسٹار ثانیہ مرزا کے نام کے نعرے بلند کیے۔
مزید پڑھیں
ثنا جاوید نے اس صورتحال میں خود کو سنبھالا اور کمال ضبط کا مظاہرہ کیا۔ انہوں نے نعرے لگانے والے شخص کی جانب صرف ناگواری سے گھور کر اپنے رد عمل کا اظہار کیا۔
Sana Javed looks visibly pissed at trollers chanting Sania Mirza's name 👀 #HBLPSL2024 #SaniaMirza #SanaJaved #ShoaibMalik pic.twitter.com/1Dfzd9wGi8
— Alisha Imran (@Alishaimran111) February 20, 2024
اس میچ میں بیٹنگ کے دوران شعیب ملک جب بھی کوئی شاٹ لگاتے تو شائقین کے شور کے ساتھ ثنا جاوید کے چہرے پر بھی مسکراہٹ پھیل جاتی۔ ثنا جاوید کی موجودگی میں شعیب ملک نے بھی شاندار کھیل کا مظاہرہ پیش کیا اور صرف 35 گیندوں پر 53 رنز کی اننگز کھیل کر آؤٹ ہوئے۔
واضح رہے کہ ان دونوں اسٹارز کی یہ دوسری شادی ہے۔ شعیب ملک نے پہلی شادی 2010 میں بھارتی ٹینس اسٹار ثانیہ مرزا سے کی تھی جبکہ ثنا جاوید نے پہلی شادی 2020 میں گلوکار عمیر جیسوال سے کی تھی۔
شعیب ملک نے ثانیہ مرزا کو طلاق دینے کے بعد گزشتہ ماہ اداکارہ ثنا جاوید سے شادی کی تھی۔ انہوں نے اپنی دوسری شادی کا اعلان 20 جنوری کو سوشل میڈیا پوسٹ کے ذریعے کیا تھا۔
