جوانی کے اوائل دنوں سے ہی ہم اپنی زندگی کے لیے اہداف اور اپنی خواہشات کا تعین کرلیتے ہیں جس میں 30 سال تک ایک گھر ایک اچھی نوکری شامل ہوتی ہے، جبکہ کچھ لوگوں کی خواہش ہوتی ہے کہ وہ 40 سال تک کی عمر میں اتنے کامیاب ضرور ہوجا ئیں کہ ان کو ریٹائرمنٹ جلد از جلد مل جائے۔ اہداف کی فہرست یقیناً ہم میں سے اکثر کے لیے طویل اور پرجوش ہے لیکن کیا حقیقت ہمارے خوابوں اور امیدوں پر پورا اترتی ہے؟
ایسی ہی ایک دلچسپ گفتگو اس وقت سماجی رابطوں کی ویب سائٹ ٹوئٹر کا حصہ بنی جب ٹوئٹر صارف زینب نے ایک دلچسپ سوال پوچھا ، انہوں نے ٹوئٹ کرتے ہوئے لکھا کہ آپ 25 سال کی عمر تک کیا کرنے میں کامیاب ہوئے ہیں؟
What have you managed to do by the age of 25?
— Zainab (@Syyeda14) March 3, 2023
ٹوئٹر صارف کے اس سوال کے جواب میں صارفین نے کچھ تلخ تو کچھ دلچسپ جوابات دیتے ہوئے اپنے اپنے تجربات بیان کیے، ایک صارف نے لکھا کہ زندہ رہنے میں کامیاب ہو گئی۔ کیا یہ شمار ہوتا ہے؟
Managed to stay alive. Does that count?
— – (@Chaudharyysaab) March 4, 2023
گفتگو مزید آگے بڑھی تو کسی کے لیے پہلی کمائی ایک بہت بڑی کامیابی تھی، تو کسی کے لیے گھر بنانے کے لیے لیا گیا قرض واپس لوٹانا ایک سنگ میل، اسی دوران ایک صارف نے لکھا کہ اپنے پیشن کا احساس ہوا اور اپنی ملازمت سے لطف اندوز ہو رہا ہوں۔ گرافک ڈیزائننگ سے بہت کم کمانا شروع کیا لیکن کم از کم ایک آغازتو تھا۔ اپنی کمائی سے آئی پیڈ ٹیبلیٹ خریدا (میرے لیے بڑی کامیابی)۔ مجھے 25 سال کے ہونے میں ابھی 3 سال باقی ہیں۔
Realized passion and enjoying my job>>> money. Started earning small with graphic designing but atleast a start. Graduated. Bought iPad tablet with my own earning (big achievement for me). Still 3 years to go for me to turn 25.
— Babar stan💛 (@MaslyMesscafe) March 6, 2023
ایک اور صارف نے لکھا کما رہا تھا، موٹر سائیکل تھا، لیپ ٹاپ تھا اور کوئی قرض نہیں تھا۔
Was earning, had a bike laptop and no debt
— Itô Girsanov (@cruindggn) March 3, 2023
جہاں صارفین اپنی کامیابیوں اور ناکامیوں کی کہانیاں سنا رہے تھے وہی کچھ صارفین ایسے بھی تھے جو باقی صارفین کی کامیابیوں کے بارے میں پڑھ کر کچھ مایوس ہوگئے ، اسی حوالے سے ایک صارف نے لکھا ’کمنٹس پڑھ کر کمپلیکس ہورہا ہے‘۔
coments parh k complex ho raha hai
— siibs (@siibsays) March 4, 2023
صارفین کے مختلف تجربات کو پڑھ کر بہت سے صارفین کا ماننا تھا کہ پچیس سال کی عمر میں سب کی جدوجہد دوسرے انسان سے مختلف ہوتی ہیں اس لیے کسی سے خود کا موازنہ نہیں کرنا چا ہیے، اسی کی مثال دیتے ہوئے ایک صارف نے لکھا اپنے بچوں کی کسٹڈی کے کیس لڑے، اکیلی ماں بن گئی۔ ایم فل مکمل کر لیا اورسول سروسز میں شمولیت اختیار کی۔ یہی سب سے بڑی کامیابی تھی۔
