حوثی باغیوں نے یمن کے ساحل پر ایک امریکی ایم کیو نائن ریپر ڈرون طیارے کو مار گرایا ہے، جس کی مالیت 3 کروڑ امریکی ڈالر تھی۔
امریکی نیوز ویب سائٹ بزنس انسائیڈر کے مطابق، حوثیوں نے دعویٰ کیا ہے کہ انھوں نے پیر کو زمین سے فضا میں مار کرنے والے میزائل سے امریکی ڈرون کو مار گرایا تھا۔ واقعہ کی تصدیق کے لیے انہوں نے مغربی یمن کے ساحل پر پڑے ڈرون طیارے کے ملبے کی ویڈیو بھی جاری کی ہے۔ تاہم حوثیوں کے دعوے اور ویڈیو کی فوری طور پر تصدیق نہیں ہو سکی ہے۔
The Houthis destroy a $30-million US drone flying over Yemen and target two Western ships in the Gulf of Aden.
The group said that the operations will continue “until the aggression stops and the siege on the Palestinian people in the Gaza Strip is lifted” pic.twitter.com/WgeUJK1bIt
— TRT World (@trtworld) February 21, 2024
دوسری جانب، 2 امریکی اہلکاروں نے گزشتہ روز اس واقعہ کی تصدیق کی تھی۔ ان کا کہنا تھا کہ ابتدائی معلومات سے ظاہر ہوتا ہے کہ ریپر کو یمن کے ساحل پر حوثیوں نے مقامی وقت کے مطابق پیر کی صبح مار گرایا تھا۔
مزید پڑھیں
پینٹاگون کے ایک ترجمان نے بھی اس واقعہ کی تصدیق کی ہے اور بتایا ہے کہ امریکا نے ابھی تک تباہ شدہ ڈرون طیارے کا ملبہ نہیں اٹھایا ہے۔
حوثیوں کی جانب سے 3 ماہ سے کم عرصہ میں ریپر ڈرون مار گرانے کا یہ دوسرا واقعہ ہے۔ حوثیوں نے اس سے قبل جون 2019 میں بھی ایک امریکی ایم کیو نائن ریپر ڈرون کو تباہ کیا تھا۔
واضح رہے کہ امریکی ساختہ ایم کیو نائن ریپر ڈرون طیارے کئی گھنٹے تک زیادہ بلندی پر پرواز کرنے اور اہم معلومات حاصل کرنے کی صلاحیت رکھتے ہیں۔ یہ ڈرون طیارے ’ہیل فائر‘ میزائلوں اور بموں سے لیس ہوتے ہیں۔ امریکی فوج ان طیاروں کو اہم اہداف کو نشانہ بنانے کے لیے استعمال کرتی ہے۔