بانی پی ٹی آئی کے آئی ایم ایف کو خط پر نائب صدر مسلم لیگ ن حمزہ شہباز شریف نے تبصرہ کرتے ہوئے کہا ہے کہ عمران خان سیاست کرنے کے بجائے ملک کی جڑیں کھوکھلی کر رہے ہیں۔
حمزہ شہباز نے کہا کہ آئی ایم ایف کو خط کا مقصد معیشت اور پاکستان کی بین الاقوامی ساکھ کو نقصان پہنچانا ہے۔
مزید پڑھیں
انہوں نے کہا کہ تحریک انصاف اپنے دور حکومت میں ملکی معیشت کا بھٹا بٹھا گئی تھی۔ انہوں نے مزید کہا کہ اس عوام دشمن اقدام کے پیچھے طاقت کے کسی بھی قیمت پر حصول کی ہوس کارفرما ہے۔
ان کا کہنا تھا کہ عمران خان کی سیاست فتنہ انگیزی اور انتشار پھیلانے تک محدود ہے ار تحریک انصاف اس سے پہلے بھی آئی ایم ایف پروگرام کی راہ میں روڑے اٹکاتے رنگے ہاتھوں پکڑی گئی تھی۔
