گوگل نے دنیا بھر میں آج منائے جانے والے لیپ ائیر کے موقع پر خاص ’ڈوڈل‘ جاری کردیا۔ انٹرنیٹ کا سب سے بڑا سرچ انجن گوگل پاکستان سمیت دنیا کے بہت سارے ممالک میں خاص دنوں اور اہم مواقع پر خصوصی ڈوڈل جاری کرتا ہے۔ گوگل گزشتہ کئی سال سے دنیا بھر میں ہونے والے انتخابات کے موقع پر خصوصی ڈوڈل جاری کرتا آر ہا ہے۔ رواں سال 2024 لیپ ایئر ہے جو 366 دنوں پر مشتمل ہے اس لیے آج 29 فروری ہے لیپ ڈے پر انٹرنیٹ سرچ انجن گوگل نے بھی نیا دلچسپ ڈوڈل جاری کر دیا۔
4 سال بعد آنے والے لیپ ڈے پر گوگل کی جانب سے جاری ڈوڈل میں ایک تالاب دکھایا گیا ہے جس میں 1اور28کے ہندسے میں ایک مینڈک کود پڑتا ہے جس کے پاس 29 کا ہندسہ ہے۔
لیپ ایئرز کیوں ہوتے ہیں؟
ہمارے کیلینڈر کے مطابق ایک سال میں 365 دن ہوتے ہیں کیونکہ یہ وہ وقت ہے جو زمین کو سورج کے گرد مدار میں گھومنے کے لیے درکار ہوتا ہے تاہم یہ مدت پورے 365 دن نہیں بلکہ اس سے کچھ زیادہ ہوتی ہے۔
ماہرین فلکیات کے مطابق زمین کو سورج کے گرد ایک چکر مکمل کرنے کے لیے 365.242190 دن درکار ہوتے ہیں۔ یہ 365 دن، پانچ گھنٹے، 48 منٹ اور 56 سیکنڈ بنتے ہیں۔ اسے سائڈیریل ایئر کہتے ہیں۔
سائیڈیریل سال عام سال سے تھوڑا زیادہ طویل ہوتا ہے اس لیے اس میں سے اضافی گھنٹے، منٹ اور سیکنڈ نکال دیے جاتے ہیں۔ تاہم ہر 3سال بعد چوتھے سال ایک دن کا اضافہ کرنے سے ان اضافی گھنٹوں کو ایڈجسٹ کیا جاتا ہے۔
