پاکستان کی معروف اداکارہ سجل علی نے بالی وڈ کی ‘بیبو’ کرینہ کپور کو کاپی کرنے کی کوشش کی اور پھر اس کی ویڈیو اپنے انسٹا گرام پر شیئر کی کہ لوگ ویڈیو دیکھ کر خوب پذیرائی ملے گی لیکن انہیں لینے کے دینے پڑ گئے۔ سوشل میڈیا صارفین کی جانب سے انہیں سخت رد عمل کا سامنا کر پڑ رہا ہے۔
ویڈیو میں اداکارہ سجل علی کو شوبز انڈسٹری میں اپنے بہترین دوستوں اور پسندیدہ شخصیت سے متعلق بات کرتے ہوئے دیکھا جاسکتا ہے۔
View this post on Instagram
وائرل ویڈیو میں سجل علی نے کہا کہ ہماری شوبز انڈسٹری میں میرا کوئی بھی اچھا دوست نہیں ہے، اُنہوں نے کہا کہ میں سوشل میڈیا پر ہیش ٹیگز اور ٹرینڈ کو نہیں دیکھتی۔
جب سجل علی سے پوچھا گیا کہ شوبز انڈسٹری میں اُن کی پسندیدہ شخصیت کون ہیں؟ تو اس پر اُنہوں نے بالی ووڈ اداکارہ کرینہ کپور کے کردار ‘گیت’ کو کاپی کرتے ہوئے کہا کہ میں اپنی پسندیدہ ہوں۔
ویڈیو پر جہاں کئی صارفین نے ان کو سراہا وہیں چند صارفین نے ان کو تنقید کا نشانہ بنایا، ایک صارف نے کہا کہ کچھ اپنا بھی کر لیں کیا سب کچھ دوسروں کا ہی کاپی کرنا ہے، تو کسی نے کہا کہ سجل علی اوور ایکٹنگ کر رہی ہیں۔
واضح رہے کہ کرینہ کپور نے یہ ڈائیلاگ ‘میں اپنی پسندیدہ ہوں’ فلم ‘جب وی میٹ’ میں کہا تھا جوکہ کافی مشہور ہوا تھا، اس ڈائیلاگ پر کافی میمز بھی بنی تھیں۔
